Суут эрдэмтэн Стивен Хокингийн оршуулах ёслол боллоо
Нэрт эрдэмтний оршуулах ёслол болж өнгөрлөө.
Онолын физикийн салбарын өнөө цагийн хамгийн суут эрдэмтэн, “Цаг хугацааны товч түүх” бүтээлээрээ хүн төрөлхтний түүхэнд үнэт хувь нэмэр оруулсан физикч Стивен Хокинг өнгөрсөн сарын 14-ны өдөр 76 насандаа таалал төгссөн. Өнгөрсөн ням гарагт Кэмбриж хотын Гэгээн Мариягийн сүмд оршуулах ёслол болж, нэрт эрдэмтнийг сүүлчийн замд нь үджээ.
Нэрт эрдэмтний хүүхдүүд Луйси, Роберт, Тим нар "Бидний аав энэ хот, энэ ертөнцийн сольж боломгүй нэгэн хэсэг байлаа. Түүний амжилт бүтээл амьдрал нь хэзээ ч дуусашгүй мөнх болохыг бидэнд батална" хэмээн хэлжээ.
Ёслолд 500 гаруй төрөл төрөгсөд, олны танил эрхмүүд оролцсон бөгөөд Стивен Хокингийн дүрийг бүтээн, Оскарын эзэн болсон жүжигчин Эдди Редмэйн ёслолыг нээн, хөтлөн явуулжээ.
Эдди Редмэйн ёслолыг нээн үг хэлэхдээ "Бид гайхалтай шинжлэх ухаанч, сайн сэтгэлт нэгнийг үүрд алдлаа. Тэр миний уулзсан хамгийн ер бусын, хамгийн хөгжилтэй хүн байсан. Ажил, бүтээл болон туулсан амьдралаараа үүрд дуурсагдах нэгний дүрийг бүтээсэндээ би туйлын азтай хүн. Түүний онол, бүтээл, туулсан замнал ер бусын хүнлэг сэтгэлийнх нь хамт бидний зүрх сэтгэлд үүрд үлдэх билээ" гээд Библийн сургаалаас эш татжээ.
Эх сурвалж: Nytimes.com
Холбоотой нийтлэл:
Суут эрдэмтэн Стивен Хокингийн талаар мэдэх ёстой бүх зүйл
Стивен Хокинг сэтгэлээр унаж яваа хэн бүхэнд гайхалтай захидал үлдээжээ