2 жил сураггүй болсон Хятадын сансрын станц дэлхий дээр уналаа
БНХАУ-ын “Тиангун-1” анхны сансрын станц өнөөдөр өглөө Номхон далайд унасан тухай BBC мэдээллээ.
БНХАУ-ын анхны сансрын станц “Тиангун-1” өнөөдөр өглөө Номхон далайд унасан тухай BBC мэдээллээ.
2011 онд агаар мандалд оруулахдаа тус станцыг 2022 он хүртэл саадгүй ажиллана гэж эх сурвалжууд мэдээлж байсан ч ажиллагаа нь өнгөрсөн онд зогссон. Тэгвэл өнгөрсөн сард "Тиангун-1" дэлхий рүү хурдтай ойртож, өнөөдөр Номхон далайд чиглэн унасан байна. Далайд унах хүртэл станцын 90 хувь нь шатаж барагджээ.
8.5 тонн жинтэй уг станц 2013 оноос хойш жолоодлогоо алдаж, 2016 оноос сураг алдраад байсан. "Станц дэлхийг зүглэж байгаа мэдээлэл 24 цагийн дотор хиймэл дагуулуудад ирсэн. Бидний төлөвлөж байсаны дагуу хүнгүй, аюулгүй бүсд унасан. Станц бүрэн шатаж барагдах байсан ч 10 хувийн үлдэгдэл унасан нь бидний дараагийн үйл ажиллагаанд судлагдахуун болох боломжтой" гэж Харвардын Одон Орон судлалын судлаач МакДовелл хэлжээ.
Эх сурвалж: bbc.com