1 мин

Англи залууст 25 нас хүрмэгц нь УЛСААС 10 МЯНГАН ЕВРО өгөх санаачилга гаргав

Ир Британийн бүх иргэдийг 25 нас хүрэхэд нь улсын татварын сангаас 10 мянган еврог хөрөнгө болгон өвлүүлэх талаар хэлэлцэж байна.

2018.04.02 44 39 12

20

Их Британий нийт иргэдийг 25 нас хүрэхэд нь улсын татварын сангаас 10 мянган еврог хөрөнгө болгон өвлүүлэх талаар тус улсын Бодлого, Судалгааны байгууллага санал дэвшүүлжээ. 

2029/2030 онд Шотланд дахь Их Британий Төв банк 186 тэрбум евро бүхий  эл хөрөнгийг бүрэн төвлөрүүлэх боломжтой юм. Уг хөрөнгийг олгосноор бүх залуу үеийнхэнд ирээдүйгээ бүтээхэд нь тусалж, амьдралаа босгоход нь хувь нэмэр оруулахаас гадна улсын болон олон улсын үл хөдлөх хөрөнгийн зах зээл дэх худалдан авалт, шилжүүлгийг уян хатан болгож, зах зээл дэх мөнгөн хөрөнгийн урсгалыг сайжруулах онцгой ач холбогдолтой аж. 

Их Британий нийт орон сууцны 44 хувийг нийт иргэдийн 10 хувь нь эзэмшдэг. Улсын өмчит хөрөнгө оруулалтын санг бий болгосноор хүн бүрт тэгш эрх, тэгш хөрөнгийг бий болгож чадна гэж тус байгууллагаас үзжээ. Одоогоор 70 гаруй орон улсын өмчит хөрөнгө оруулалтын сантай. Норвеги улс л гэхэд 1990 онд улсын өмчит хөрөнгийн санг бий болгосон нь өдгөө 1 триллион ам.доллар болон нэмэгдээд байна. 

“Хэн хөрөнгөтэй байсан нь уг хөрөнгөө үе залгамжлан эзэмшиж байна. Тиймээс улсын орлогыг нийт иргэдэд тэгш хүртээх бодлогыг баримталснаар иргэн бүрт хуваарилалтыг бий болгох боломжтой. Хэн хөрөнгөтэй байсан нь бус иргэн бүр нэгэн адил эрх эдэлнэ” гэж тус улсын Бодлого, Судалгааны байгууллагын эдийн засагч Кэрис Роберт мэдэгджээ. 

Эх сурвалж: Theguardian.com 

2018.04.02

20