2 мин

Нигилист үзлийг төгс мэдрүүлэх 5 КИНО

Орчлонг үгүйсгэгч нигилист үзлийн талаар хамгийн сайн ойлголт өгч чадах бүтээлүүд.

2018.04.02 49 44 34

43

Орчлонг үгүйсгэгч нигилист үзлийн талаар хамгийн тодорхой ойлголт өгч чадах бүтээлүүд. 

1.”The Big Lebowski” 1998 

“Энэ киноны дүрүүд зохиолын гол санаанаасаа чухал гэдэгт онцгой чанар нь нуугдаж байгаа” гэж найруулагч Жоэл Коэн хэлжээ. Дүү Этан Коэний хамт бүтээсэн эл бүтээлийн гол дүрүүдийн философи нэвт ханхалсан харилцан яриа бүхнийг огоорогч нигилист үзлийг бэлхнээ харуулна.

2.”The Nihilist”  1905

Нөхрөө улс нийгмийн буруугаас алдсан эмэгтэй нигилистүүдийн бүлэглэлд орно. Тэд нэгдэж, засгийн газрыг галдан шатаахаар тэмцэх бөгөөд эмэгтэй уг тэмцлийн үеэр амиа алдана. Гэвч чухам “Яагаад?”, “Юуны тулд?”, “Ямар өөрчлөлтийн төлөө?” зэрэг хариултыг киноны дараа та ойлгох бизээ. 

3. “Naked” 1993

Найруулагч Майк Лигийн энэхүү бүтээл тайлбарлахад хамгийн төвөгтэй киноны тоонд багтдаг. Гол дүр болох Жонни ч кино урлагийн цөөнх дүрүүдийн нэг. Тэр гудамжинд амьдарч, хэрэн хэсч, эргэн тойрноо, эмэгтэйчүүдийг, ямар ч нөхцөл байдлыг, бүр өөрийгөө ч үзэн яддаг. Гэвч киноны төгсгөлд Дэвид Тьюлисийн гарамгай жүжиглэлтээр амилсан Жонни таны сэтгэлийг татах нь гарцаагүй. Харин яаж? 

4. “Pale Flower” 1964

1964 онд бүтээгдсэн Япон найруулагч Масахиро Шинодагийн оргил бүтээлийн нэг. Ухаалаг харилцан яриа, жир бус биеэ авч явах нигилист залуу, түүний эргэн тойрон дахь хүмүүсийн бүүдгэр байдал хар цагаан дүрслэлтэй тун “догь” хоршино гээч.

5. “I Stand Alone”  1998

Найруулагч Гаспар Ноэгийн хүн, нийгмийн оршихуй, утга учрын талаарх сод бүтээл. Олон нийттэй дасан зохицохоор “бүдчиж” яваа гол дүрийн алуурчин залуу нигилистийн төгс жишээ юм. Түүний амьдралд ямар ч зорилго, итгэл үгүй боловч олхиогүй, гажуудсан, шаналлаар дүүрэн орчлон ертөнцөд тэр эсрэгээрээ илүү утга учиртай амьдарч байгаа ч юм бил үү? 

2018.04.02

43