мин

"Реал" Мадрид баг "Есөн үнэт зүйл”-ийн цом хүртлээ

“Монголын тэмүүлэл” багийн Ш.Эрхэс залуу сэтгүүлчээр, ДМЮ багийн Э.Даринчулуун тоглогчийн хувиар оролцох юм.

М.Сугар-Эрдэнэ 2018.04.07 33 27 13

Испанийн Эзэн хааны “Реал Мадрид” баг энэ сарын 05-нд “Сантьяго Бернабау” цэнгэлдэх хүрээлэндээ “Хөлбөмбөг нөхөрлөлийн төлөө” олон улсын хүүхдийн наадмын “Есөн үнэт зүйл”-ийн цомыг хүлээн авлаа.

“Хөлбөмбөг нөхөрлөлийн төлөө” хөтөлбөрийн 2017 оны оролцогчид санал нэгтэйгээр “Реал Мадрид” багийг нийгмийн хариуцлагын хүрээнд найрамдал, тэгш байдал, шударга ёс, эрүүл мэнд, энх тайван, үнэнч, ялалт, уламжлал, хүндэтгэл гэсэн есөн үнэт зүйлийн бэлгэ тэмдэг болж чадна хэмээн үзсэн байна. Итали, Орос, Испани, Голландын төлөөлөгчдөөс гадна “Газпром” компанийн захирлуудын зөвлөхийн дарга Виктор Зубков “Есөн үнэт зүйл”-ийн цомыг “Реал Мадрид” багт гардуулах ёслолын үйл ажиллагаанд оролцжээ.

Испанийн алдарт клубын сайн үйлсийн төлөөх “Реал Мадрид” сан нь 1988 онд үүсэн байгуулагдаж, 20 гаруй жилийн хугацаанд нийт 800 мянга гаруй эмзэг давхаргын хүүхдүүдийн боловсролыг дээшлүүлсэн. Уг сан нь одоогоор дэлхий даяар 77 оронд 450 спортын нийгмийн хариуцлагын төсөл хэрэгжүүлж байгаа юм.

Дэлхийн 210 улсын хүүхдүүд хөлбөмбөгийн спортоор эвлэлдэн нэгдэж, нөхөрлөх боломжийг олгодог “Хөлбөмбөг нөхөрлөлийн төлөө” хөтөлбөр 2018 оны зургаадугаар сард Москва хотод болно.

Тус хөтөлбөрт Монгол улс анх удаа хамрагдах бөгөөд эх орноо төлөөлж “Монголын тэмүүлэл” багийн Ш.Эрхэс залуу сэтгүүлчээр, ДМЮ багийн Э.Даринчулуун тоглогчийн хувиар оролцож, дэлхийн 211 орны хүүхэд багачуудтай хамтран ажиллаж, хөлбөмбөгийн 21 дэх удаагийн дэлхийн аварга шалгаруулах тэмцээний нээлтэнд оролцохоор шалгарсан билээ.

М.Сугар-Эрдэнэ 2018.04.07