2 мин

"Charles & Keith" брэндийн тухай загварлаг бүсгүйчүүдийн мэдэх ёстой бүх зүйл

Тун удахгүй нээлтээ хийх гэж байна.

О.Анхзаяа 2018.04.10

Сингапурын алдарт Charles & Keith брэндийн салбар дэлгүүр ирэх тавдугаар сард Шангри-Ла Моллд нээлтээ хийнэ. Энэ брэнд өөрийн хэв маяг, чанараар чансаагаар олон улсад хэдийнэ танигдсаныг уншигч Та мэдэх байх. Тэгвэл Charles & Keith-ийг Монголд оруулж ирэх ажлыг амжилттай зохион байгуулж буй Эновстайл компани тус брэндийг залууст танилцуулах зорилготой "Garden State" гэх fashion art үзэсгэлэнг Зайсан Хилл цогцолборт гуравдугаар сарын 23-нд зохион байгуулжээ. Эновстайл компанийн хувьд олон улсын франчайз бизнесийн арвин туршлагатай. Тухайлбал, Английн Karen Millen брэндийг 2013, Английн L.K.Bennett брендийг 2017 онд тус бүр Монголын зах зээлд амжилттай нэвтрүүлсэн. Мөн дэлхийн загварын чиг хандлагыг Монгол хэрэглэгчиддээ сурталчилах, танин мэдүүлэх, соён гэгээрүүлэх ажлыг 2014 оноос эхэлж амжилттай хэрэгжүүлж байна.

"Garden state" арга хэмжээнд хотын загварын чиг хандлагыг тодорхойлогч "күүл" залуучууд хүрэлцэн ирсэн байгааг доорх зургаас хараарай. Charles & Keith брэндийн шинэхэн коллекцийг ч дэлгэсэн байв.

Эвентийн онцлох зургуудаас хүргэе:

"Garden State" фэйшн арт үзэсгэлэнд хотын хамгийн загварлаг мөн салбартаа амжилттай яваа залуус уригдан иржээ. Хүрэлцэн ирсэн зочид "chill" хөгжим сонсонгоо, үзэсгэлэнд тавигдсан Charles & Keith брэндийн загваруудтай танилцсан юм . Зочдын анхаарлыг үзэсгэлэнгийн тохижилт хамгийн ихээр татсныг энд тэмдэглэх хэрэгтэй байх.

Charles & Keith брэндийн тухай:

1996 онд үүсгэн байгуулагдсан, дэлхий даяар 36 оронд 641 гаруй салбар дэлгүүртэй "Charles & Keith" нь бие даасан, эрх чөлөөт, өөртөө итгэлтэй, их хотын загварлаг бүсгүйчүүдэд зориулагдсан. Дизайнеруудын ур ухаан шингэсэн, гутал, цүнх болон гоёл чимэглэлээс бүрдсэн коллекцуудыг чанарын өндөр түвшинд үйлдвэрлэн гаргадаг юм.

Коллекцууд:

Улирал тутмын чиг хандлагыг шингээсэн коллекц нь эрхэмсэг байдлыг илэрхийлсэн Сharles & Кeith коллекц болон бяцхан охидод зориулсан Little Charles & Keith коллекцуудаас бүрддэг.

Бид хүлээх л үлдлээ:

Хэт хурдацтай хөгжиж буй техник технологиос түр холдож байгаль эх дэлхийтэйгээ ойр байхыг 2018 оны хавар зуны загваруудаараа дамжуулан илэрхийлэхийг зорьжээ. Үзэсгэлэнгийн тохижилт цэцэрлэгт хүрээлэнд ирсэн мэт мэдрэмж төрүүлэх аж.