1 мин
“Исламын улс” бүлэглэл ДАШТ, В.Путинд заналхийлэв
Алан хядагчид өмнө нь Месси, Роналду нарыг сүрдүүлсэн зурагт хуудас гаргаж байсан юм.
Алан хядагчдын “Исламын улс” бүлэглэл энэ зун ОХУ-д болох хөлбөмбөгийн ДАШТ-ий үеэр алан хядлага хийнэ хэмээн сүрдүүлж, зурагт хуудас гаргасан байна. Тэд мөн Сирийн дайнд оролцож, Башар Асадыг дэмжиж байгаа хэмээн Ерөнхийлөгч В.Путинд ч заналхийлжээ.
Нэгэн зурагт хуудас дээр “ОХУ-2018. Путин чи буруу номтон. Исламын шашинтнуудыг хөнөөсний чинь хариуг өгнө” гэж бичсэн байв.
Алан хядагчид өмнө нь Лионель Месси, Криштиану Роналду нарыг сүрдүүлсэн зурагт хуудас гаргаж байсан юм.