Брэд Питтийн шинэ бүсгүй профессор гэнэ
Хэд хэдэн TED-лекц хөтөлдөг төдийгүй архитектур, дизайнаар олон шагнал хүртэж байжээ.
Анжелина Жоли, Брэд Питт нар салснаас хойш удахгүй хоёр жил болно. Энэ хооронд хоёр жүжигчинг хэд хэдэн хүнтэй холбоод авсан ч батлагдсан нь үгүй. Брэд Питтийг Жолитой тун адилхан 21 настай жүжигчин Элла Пернелтэй үерхлээ гэсэн цуурхал гарч байв. Харин Жолиг нэгэн нууцлаг тэрбумтантай болзож байна гэж бичсэн.
Харин одоо бидний бичих бүсгүй бол Питтийн шинэ найз бүсгүй гэж “The Mirror” баталж байна. Шоу бизнест огт хамаагүй ч тун аятайхан, халуухан эмэгтэй, хамгийн гол нь маш ухаалаг ажээ. Танилц.
Нери Оксманн - Массачусетскийн технологийн их сургуулийн профессор бөгөөд дизайнаар эрдмийн зэрэг хамгаалсан. Хэд хэдэн TED-лекц хөтөлдөг төдийгүй архитектур, дизайнаар олон шагнал хүртэж байжээ.
Хэн хэн нь архитектурт сонирхолтой нь тэдний үерхлийн эхлэл болжээ. Брэд Питт, Нери Оксман нар өнгөрсөн оны 11 дүгээр сард танилцсан. Массачусетскийн технологийн их сургуулийн оюутнууд багшийнхаа лабораторид сууж байгаа Питтийг сүүлийн үед их олон харсан гэж тус сэтгүүлд ярьсан байна.