ФОТО: Японы “ями кавай” маяг буюу “өвчтэй хөөрхөн” стиль
Өвдсөн, өвчин зовиуртай л болохоос кавай, хөөрхөн.
Инстаграмд сүүлийн үед 病みかわいい буюу ями кавай маяг ихэд дэлгэрээд байна. Та бүхний таамаглаж байгаачлан Арлын Япон орноос энэ стиль дэлгэрсэн. Кавай бол хөөрхөн гэсэн үг бөгөөд дэлхийд бүгд энэ үгийг мэддэг болсон. Харин ями гэдэг нь өвдөлт гэсэн үг. Нийлүүлэхээр “өвдсөн хөөрхөн” болох юмуу даа.
Өвдсөн, өвчин зовиуртай л болохоос кавай, хөөрхөн. Ями кавай охид жирийн кавай охидоос ялгаатай зүйл нь тэд өвдөлтийг илэрхийлэн гар, нүүрэн дээрээ хөхөрсөн, шархадсан зураг зурж, маск зүүн, биен дээрээ шархны лент нааж, эмнэлгийн шприц барин явдаг.
Ями кавай охидыг нийгмийн үзэгдэл хэмээн “Business of Fashion” бичжээ. Тус сэтгүүл энэ үзэгдлийн ачаар Японы залуучууд стресс, амиа хорлолт зэрэг нийгмийн асуудлуудын эсрэг тэмцэж, эсэргүүцлээ илэрхийлж чадна гэж үзэж байна.