Хятадын “Чингис хаан” кино энэ сарын 28-нд гарна
Чингис хааны дүрд Хонконгийн дуучин, жүжигчин Уильям Чэн тоглосон.
Хятадын уран бүтээлчдийн хийсэн “Чингис хаан” уран сайхны кино энэ сарын 28-нд нээлтээ хийхээр болжээ. Уг нь тус кино өнгөрсөн оны 12 дугаар сарын 22-нд дэлгэцэнд гарах байсан боловч сурталчилгааны цаг гаргахын тулд ийнхүү дөрвөн сар хойшлуулсан юм.
Чингис хааны дүрд Хонконгийн дуучин, жүжигчин Уильям Чэн, Бөртэ үжиний дүрд Хятадын жүжигчин Желли Линь тоглосон.
Киноны найруулагч Хаси Чаолу “Би Уильям Чэнийг сонгосон шалтгаан бол түүний инээмсэглэл. Тэр Чингис хааныг хамгийн сайн гаргаж чадна гэж үзсэн” гэж хэлсэн бол Чен морь унах, байлдах үзэгдэлд орлон тоглогчгүй тоглосон гэдгээ дурдсан байна.