мин

45 нас хүрсэн Эдриан Броудигийн тухай 15 баримт

Төгөлдөр хуурч Владислав Шпильманий дүрд тоглохын тулд Эдриан 12 кг туржээ.

М.Сугар-Эрдэнэ 2018.04.16

Европ тивийг байлдан дагуулсан америк залуу Эдриан Броуди 45 нас хүрлээ. Түүнийг Холливудад “хамелоен жүжигчин” гэж нэрлэдэг. Учир нь тэр ямар ч дүрд хувирч чаддаг. Тэнэг мангуу, аймшигт алуурчин, залилангийн мастер, уран зураач, өр нимгэн зохиолч, өс санасан мафийн босс гээд л хэн ч болсон тэр чадна.

1. Эдриан Броуди 1973 оны дөрөвдүгээр сарын 14-нд Нью-Йоркийн Квинсе дүүрэгт төржээ.

2. Ээж нь гэрэл зурагчин сэтгүүлч, аав нь түүхийн багш. Эцэг эхийнхээ дэмжлэгээр Эдриан 12 настайгаасаа хүүхдийн баяр дээр илбэ үзүүлж эхэлжээ. Түүний хөтөлбөр “Гайхалтай Эдриан” нэртэй байв. 2014 онд тэр түүхэн дэх хамгийн алдартай илбэчин Харри Гудинигийн дүрийг бүтээснийг хувь заяа гэлтэй.

3. Том гунигтай нүдээр нь түүнийг Аль Пачинотой адилтгадаг.

4. “Төгөлдөр хуурч” киноны хөгжимчний дүрээрээ тэр Францын “Сезар” шагнал хүртсэн анхны америк жүжигчин болсон.
5. Төгөлдөр хуурч Владислав Шпильманий дүрд тоглохын тулд Эдриан хоёр долоо хоногийн турш өдөрт ганц хооллож, 12 кг туржээ. Тэр өдөрт 200 грамм тахианы цээж мах, салат л иддэг байлаа.

6. Түүний нэрээр Нарны системийн нэгэн одыг нэрлэсэн.
7. “Summer of Sam” киноны зураг авалт дээр хамраа хугалсан ч хагалгаа хийлгэхээс татгалзсан. Хугархай хамартай илүү сонирхолтой харагдаж байна гэж тэр хэлсэн гэнэ.

8. “Peaky blinders” цувралын найруулагч Стивен Найт мафийн толгойлогч Лука Чингреттогийн дүрийг Эдрианд зориулан бичсэн гэж ярьсан байдаг. Түүнийг тоглуулна гэж төслөө эхэлж байхдаа л бодож байжээ.

9. 2012 оноос тэр орос модель Лара Лиетотой найзалж байгаа ч харилцаагаа хэвлэл мэдээллээс нуудаг.
10. “The Jacket” кинонд түүнтэй хамт тоглосон Кира Найтли “Эдриан ажилдаа үнэхээр үнэн сэтгэлээсээ ханддаг. Түүний эрч хүч зураг авалтын талбайг тэр чигээр нь эзэмддэг” гэж хэлсэн удаатай.