Туркменистан 30 хүрээгүй эрчүүдээ гадаад явахыг хориглолоо
Энэ бол тус улсад гарч байгаа анхны “шинэчлэл” биш.
Хуучин ЗХУ-ын бүрэлдэхүүнд байсан Туркменистан улс 30 нас хүрээгүй эрчүүдийг гадаадад гарахыг хоригложээ. Шалтгаан нь тэдний аюулгүй байдлыг хангах гэнэ.
"Радио Азатлык”-ийн эх сурвалжийн мэдээлснээр 27 настай залуу нисэх тасалбараа авсных нь дараа дүүргийн Цагдаагийн газарт дуудаж, шинэ хуулийг танилцуулаад тасалбарын мөнгийг нь буцаан олгожээ.
Энэ бол тус улсад гарч байгаа анхны “шинэчлэл” биш. Энэ сарын 9-нөөс эхлэн Туркменистанд чихэвчээр хөгжим сонссон хүмүүсийг Дотоод явдлын яамны тушаалаар торгож эхэлсэн.
Мөн л иргэдийн аюулгүй байдлыг хангах үүднээс тэр. Чихэвчтэй иргэд машины чимээ сонсолгүй осолд орох магадлал өндөр тул ард түмнээ хамгаалж байгаа хэрэг аж.