Видео: Үхрийн сүрэг vs Арслангийн сүрэг
Хүрээлэнгийн ажилтнууд урьд өмнө бараг болж байгаагүй зүйл гэж ярьсан байна.
Африкийн Замби улсын Үндэсний хүрээлэнд тун сонирхолтой тулаан болжээ. Буйвол үхрийн сүрэг араатны хаан арслангийн сүрэгтэй халз тулаан хийсэн байна.
Сүргээрээ орж ирсэн үхэр сүрэг арслангаас огт айсангүй, харин ч мөргөн хөөх гэж оролдсон байна. Арслан ч олуулаа байлаа. Хэд хэдэн удаа халз тулалдсаны эцэст хэн хэн нь бууж өгөхийг хүсэлгүй, өөд өөдөөсөө харан зогсжээ.
Хүрээлэнгийн ажилтнууд урьд өмнө бараг болж байгаагүй зүйл гэж ярьсан байна. Тус хүрээлэнд 500 буйвол үхэр, 350 арслан байдаг гэнэ. “Хэрүүл” юунаас үүссэн, хэн ялсан, талууд ямар хохирол хүлээсэн талаар мэдээ алга.