Солонгосын дуучин TANY ослоор амиа алдлаа
TANY 20 настай байлаа.
Өмнөд Солонгосын дуучин TANY 20 насандаа машины ослоор амиа алджээ. Тэрбээр Чжанхын мужийн хурдны зам дээр замын хашлага мөргөсөн байна. TANY-тай хамт машинд байсан нэг хүн мөн нас баржээ.
Дуучны харьяалагддаг байсан HOM Company агентлагаас цогцсонд задлан шинжилгээ хийлгэх хүсэлтэй байгаагаа зарлаа. Агентлагийн төлөөлөгч “Гэрбүлд нь эмгэнэл илэрхийлье. Бид Tany-гийн үхлийн шалтгааныг яг таг тогтоохыг эрмэлзэж байна. Шинжилгээний дараа оршуулах ёслол болно” гэж сэтгүүлчдэд мэдээллээ.
TANY-гийн жинхэнэ нэр нь Ким Жин Су бөгөөд 2016 онд гаргасан “Always Remember” дуугаараа алдаршсан юм. Энэ дуу нь 2014 онд болсон "Севоль" усан онгоцны ослоор амиа алдсан 290 зорчигчид зориулсан дуу билээ.