Хайх зүйлээ бичнэ үү

17 мин

Н.Лили: Күнгфүгээс би хүч чадал, гоо зүйг хамтад нь мэдэрдэг | #WomenWhoDare

Лили ямар нэгэн далдын хүч дагуулаад ороод ирсэн мэт. Яагаад ч юм түүнийг анзаарахгүй байхын аргагүй.


English version below

Лили ямар нэгэн далдын хүч дагуулаад ороод ирсэн мэт. Яагаад ч юм түүнийг анзаарахгүй байхын аргагүй. Хүмүүсийн сэтгэгдэл гэхээсээ илүүтэйгээр өөрийнхөөрөө байхад анхаардаг байдал нь өөрийнхөө үгийг хэлж байж, сонсгож байж, бүрэн дүүрэн ойлгуулж байж санаа нь амарч байгаагаас харагдаж байлаа. Түүний эрэлхэг, шийдэмгий, ямар ч байсан үзээд алдъя гэсэн эрч хүчтэй байдал хэний ч сонирхлыг төрүүлмээр. Ub.life “Women who dare” булангийнхаа анхны дугаарт “Лилин күнгфү”-г үүсгэн байгуулагч Н.Лилигийн ярилцлагыг хүргэж байна.

-Хамгийн анх күнгфүд татагдсан түүх тань адал санагдсан. Соёлоор нь дамжаад хятад хэл сурах хүсэл тань нэг л мэдэхэд ийш хөтөлжээ, тийм үү? 

-Хятад хэл сурахад надад эхэндээ их хэцүү байлаа. Ямар нэг соёлоор нь дамжуулж сурвал илүү хялбар юм байна гэж бодоод уран бичиг гэх мэт элдвийн юм сонирхсон. Гэвч нэг л болж өгөөгүй. Хятад улс руу сурахаар яваад гэр бүл, ойр дотны хүмүүсээсээ хол ганцаараа олон жил амьдарсан. Энэ зуур олон л юм үзсэний дотор нэг үйл явдал ихээхэн нөлөөлсөн. Оюутны байранд орос залуу галын хор цацаад, түүнд нь угаартаад азаар нэг юм сэрж, арайхийн цонхоор бууж амь гарсан. Тэр үед би өөрийгөө хамгаалах ёстой гэдгийг ухамсартайгаар ойлгосон. Эмэгтэй хүн оюун санааны хувьд хүчтэй, боловсролтой, бие бялдрын хувьд эрүүл чийрэг байх ёстойг ухаарсан. Олон зүйл сонирхож яваад тайчи хийж байгаа хүмүүстэй таарч, улмаар шифүгээ олсон. Одоо 76 настай, мундаг хүн бий.

-Күнгфү-эмэгтэй хүнТогтсон ойлголтоор бол энэ хоёр тохирох нь ховор үзэгдэл. Харин таны мөрөөдөл, зорилго энэ ойлголтыг өөрчилж байна. 

-Аав ээж нар би орос школтой гэж ярьдаг шиг би күнгфү школ”-той хүн гэж өөрийгөө боддог. Спортод төдийлөн дурлаад байдаггүй надад күнгфү маш их таалагдсан.

Зөөлөн дөлгөөн юм шиг хэрнээ хүнээс маш их хүч гардаг, хүнийг сорьж чаддаг өвөрмөц спорт. Миний зан характертай таарсан гэх үү дээ. Хүн ер нь өөрийнхөө үзэл бодол зан характерт тохирсон урлаг, спортыг сонгох ёстой юм байна лээ. Тэгвэл яг амьдралд хэвшиж чаддаг. Чамайг өдөөдөг, чамд урам зориг өгдөг, чамайг уйдаадаггүй тийм л зүйлийг сонгох хэрэгтэй.

Зарим хүмүүс турах гэж, гоё бөгстэй болох гэж, стрессээ тайлах гэж дасгал хийдэг. Харин миний шалтгаан өөр. Би күнгфүгийн дасгалын мөн чанарыг ойлгосон. Аливаад хүлээцтэй, тэвчээртэй, буурь суурьтай байхаас эхлээд олон зүйлийг надад заадаг. Оройд нь гараагүй ч гэлээ зах зухаас нь мэдэрч, мөн чанарт нь ойртож чадсандаа баярладаг.

-Бидний багаас л эр хүний өнгө, эр хүний спорт, эм хүний зан ааль гэхчлэн хүчээр хувааж, оноосон маш олон хүчин зүйл байж ирсэн. Энэ бүхэнд та хэзээ нэгэн цагт эргэлзэж байсан уу? 

-Хүн ямар нэг зүйлд дурлаж, түүгээр тэжээгдэн гал цогтой байх хэрэгтэй. Зөвхөн ажил гэр биш өөр юмнаас дур хүсэл оргилж амьдарвал гоё. Миний хувьд тэр нь күнгфү. Надаас бие бялдрын хувьд ондоо, өндөр орос залуустай гурван цаг дасгал хийхэд бид адилхан шатаж, адилхан ядардаг. Энд хүйсийн ялгаа гардаггүй. Харин ч эмэгтэй хүмүүс илүү тууштай байдгаараа давуу байх.

Бөхийн спорт хүнийг эрэгтэйлэг, балетийн урлаг харин эмэгтэйлэг болгодог гэдэг тогтсон ойлголт байдаг. Гэтэл күнгфүгээс би хүч чадлыг ч, гоозүйг ч олж мэдэрч, өөртөө шингээн авдаг.

-Монголдоо буцаж ирээд күнгфүгээр үргэлжлүүлэн хичээллэх боломж, нөхцөлийн хувьд амаргүй байсан уу? 

-Дөнгөж ирээд бид зургаан сар асрамжийн газар хагасайн өдөр бүр күнгфү заах ротаракт клубийнхээ төсөлд ажилласан л даа. Их хүнд байсан. Хичээлээсээ тараад шөнө гэртээ тэр хүүхдүүдийг бодоод л уйлдаг байсан. Энэ хүүхдүүдтэй ямар багш ажилладаг юм бол. Энэ хүүхдүүд аав ээжээ сонгож төрж болохгүй ч гэсэн ажил мэргэжил хүсэл мөрөөдөлтэй байх ёстой. Тэр талаар яагаад хэн ч зөвлөдөггүй юм бол гэх мэт олон бодолд дарагддаг байсан. Тэр үед би сургуулиа нээнэ гэж эргэлт буцалтгүй шийдсэн. Тэр цагаас хойш 200 гаруй шавьтай, “Лилин Күнгфү” гээд жижигхээн сургуультай болсон.

-Гэр бүлийн хүмүүжил, төлөвшил биднийг насан туршид ухамсартай, ухамсаргүйгээр чиглүүлж байдаг. Эмэгтэй хүн яаж өсч, хүмүүжих тухайд ээж, аав тань  юу гэж хэлж, үлгэрлэдэг байсан бэ? 

-Би айлын том. Ээж, аав маань ажил ихтэй учраас дүү нарыг надад итгэж, даатгаад үлдээнэ. Нэг их сүрхий хүмүүжлийн нууц жор байгаагүй байх. Гэхдээ ямар ч үед итгэдэг, тодорхой зүйлсийг бидэнд даатгаж сургасан нь том хүмүүжил.

Ээж минь өөрөө олон хүүхэдтэй айлд өссөн. Тэр эмэгтэй ямар ч нөлөөлөлгүйгээр өөрийнхөө итгэл үнэмшлээр эрх дураараа амьдарсан байх. Одоо ч манай ээжээс тийм үнэр ханхалдаг. Яг л хиймээр байгаагаа хийдэг, хүссэнээрээ амьдардаг. Манай аав ч гэсэн ялгаагүй, тэр хоёр хүссэнээрээ амьдардаг. Тэр хэрээр бусдад тулгаад байдаггүй. Манай ээж эмэгтэй хүүхэд заавал ягаан өнгийн хувцас сонгох ёсгүй, хүсвэл эрэгтэй хүүхдийн пүүз өмссөн ч хамаагүй гэж үздэг. Тиймээс бид таалагдсан тоглоомоороо тоглож, дуртай хувцсаа өмсөж, санаа нийлсэн хүмүүстэй нөхөрлөж ирсэн.

Би нэг зүйлд маш их итгэдэг. Эр, эм, хар, шар, цагаан арьснаас үл хамаараад хүн болгонд өөрийн гэсэн өгөгдөл байдаг. Өгөгдөл гэдэг нь юу юуг амжуулж чадах, дуртай юмандаа цаг заваа зарцуулж чадаж байна уу гэдгийг хэлж байгаа юм. Хүн болгон өөрийнхөө өгөгдлөөр амьдардаг гэж боддог. Орчин үед бид тогтмол амьдарлын хэв маяг гэхээсээ илүү өгөгдлөөрөө амьдардаг байх. Эрэгтэй, эмэгтэй хүн ийм тийм ажил хийх ёстой гэдэг зүйл одоо халагдаж байна.

-Ээжээсээ өвлөж авсан хамгийн үнэт чанар гэвэл юуг хэлэх вэ? 

-Хажуудах хүнээ хайрлах хүндлэх, эрэгтэй хүний ертөнцийг ойлгох, мэдрэх тэр чадвар, мэдрэмж, сэтгэлийг ээж үргэлж үлгэрлэн үзүүлдэг гэж боддог. Ээжийнхээ энэ чадварыг биширдэг. Гэр бүлээ хэрхэн залж яваа, нөхөртөө хандаж байгаа хүндлэл, эрэгтэй хүнд өөрийгөө ойлгуулж байгаа байдал, өөрийнхөө хүслийг биелүүлж байгаа ухаалаг зан чанар дээр манай ээж бол мастер гэж боддог.

-Ирээдүйн хань, нөхрөө ямар хүн байгаасай гэж боддог вэ? 

-Би өөрөө нийгмийн идэвхтэй, надаас гарч байгаа энерги нэг тийм дүрэлзсэн хүн юм байна гэдгээ ойлгосон. Гэр бүлийн тал дээр би илүү дорнын соёл талруугаа гэхүү дээ. Эмэгтэй эрэгтэй хоёр нэг нэгийгээ нөхөж амьдардагт итгэдэг. Хоёр гал авалцаад байж болохгүй учраас би найз залуугаа хүлээцтэй, нухацтай, төвшин зан чанараар төсөөлдөг. Миний хийдэг ажлуудыг ойлгож, би ч бас тэр хүнийг ойлгох ёстой гэдэгт итгэдэг.           

-Ямар эмэгтэйг WOMENWHODARE гэх вэ?

-Би яг хажуудаа байгаа эмэгтэйчүүдээс маш их зориг зүрх харж байсан. Нийгмээс тулгасан, биднээс хүлээж буй хэв шинжийг үл тоон яг дуртай зүйлээ, ажлаа хийж яваа эмэгтэйг би ямар зоригтой юм бэ гэж боддог. Эргэн тойрныхоо хүмүүсийг автуулж чаддаг эмэгтэйчүүд байдаг. Тэр эмэгтэй эмч, багш, цэвэрлэгч хэн ч байж болно. Тухайн орчиндоо өөрийгөө хүлээн зөвшөөрүүлж чаддаг эмэгтэйг л би мундаг эмэгтэй гэж боддог. Энгэр жаахан задгайлахад л автоматаар “явдалтай эмэгтэй” гэсэн хар дагуулдаг хэтэрхий сонжооч, шүүмжлэгч нийгэмд бид амьдарч байна. Гэтэл энэ бүхнийг үл хайхран өөрөө өөртөө таалагдаад явж чаддаг, бусад юу гэж бодох бол гэдэгт ач холбогдол өгдөггүй, чөлөөтэй амьдарч байгаа, юмнаас дандаа эерэг зүйлийг нь олж хардаг эмэгтэйчүүд зөндөө байна. Тийм хүмүүсийг л би WOMENWHODARE гэнэ.  

-Сэтгэлээр унасан үед таныг юу хурцалж, юунаас та эрч хүч авдаг вэ? 

-Би сайхан гэр бүлд аз жаргалтай сайхан амьдарч байгаа. Дуртай ажлаа хийгээд, дуртай хүмүүсийнхээ дунд ажиллах боломж надад олдсон. Сонголттой амьдарч байгаа учраас хэцүү үед надад үргэлж сонголт байгаа гэдэг бодлоор би унасан үедээ босож ирдэг. Сонголтгүй амьдарч байгаа хүмүүсийг хараад өрөвддөг. Ингэхээс өөр аргагүй байна гэдэг маш хэцүү.

-Та юунаас хамгийн их айдаг вэ? 

-Өөрийнхөө хайртай, эрч хүч авдаг, намайг хайрладаг дотны хүмүүсээ алдахаас айдаг. Хүн л юм чинь би ганцаардаж үзэж байсан. Тэр үед би энэ хүмүүс байхгүй байсан бол би яах байсан болдоо гээд бодсон л доо. Яалт ч үгүй тэр хүмүүсээсээ холдохоос, хагацахаас айдаг юм байна.

-Таны амьдралдаа авч байсан хамгийн үнэтэй зөвлөгөө юу байсан бэ

-Манай шифүгийн хэлсэн үг надад үргэлж хадаатай байдаг. Нийгэм эмэгтэй хүмүүсийг автоматаар 20-50 хувь доошлуулж дүгнэдэг. Хаана ч гэсэн эмэгтэй хүн юм чинь гэдэг утгаар нь хандах тохиол бишгүй. Тийм биш шүү гэдгийг үйл хөдлөлөөрөө байнга харуулах хэрэгтэй.  Яаж харуулах хэрэгтэй вэ гэхээр хийж байгаа юмаа хамгийн сайн мэддэг байх хэрэгтэй.

Ярилцсан: Ж.Мандхай, чөлөөт сэтгүүлч 


For English:

N.Lili: I feel the power and beauty from Kung Fu 

It seems that Lili conveys mystical power.  It's hard not to notice her.

She expresses her opinions genuinely, listens carefully and makes sure the other person understands her well rather than making an impression to other people. Her enthusiasm, determination and drive for risk attract anyone’s interest. We interviewed N.Lili, founder of “Lilin Kung Fu” for the first interview of the “Women who dare” section of Ub.Life.  

- It is adventurous how you were first interested in Kung Fu. You were lead to it firstly following your desire for the Chinese language and culture?

It was difficult to learn Chinese initially. It is better to learn through culture, so I became interested in calligraphy and other stuff.  But it did not work out well. In order to study in China, I lived alone for many years without family and close ones. Many things happened during this time and one of them affected me deeply. In a dormitory, a Russian student opened a fire extinguisher and I fainted from carbon monoxide. Yet fortunately I woke up and managed to got down through the window to escape. Since then I realized that I should be able protect myself. I realized women should be powerful, educated and fit for physical strength. Therefore, I tried many things and encountered people who were doing Tai chi and finally, found my Shifu. My Shifu is an amazing being who is 76 years old.  

- Female Kung fu practicer! According to a standard understanding , compatibility of these two is rare . But your dream and goal alter this traditional understanding. 

- As parents say that they have russian schooling, likewise, I consider myself as someone with Kung Fu schooling.  Despite not being into sports, I really liked Kung Fu.

It is a very unique sport that can challeng someone despite it looks smooth. However, it demands a lot of strength and energy. I mean, it matches my character. I realized that a person should exercise sports and arts that match his or her character. Then it can be a part of your life. It is better to choose art or sports that keep you motivated and energized, not bored. 

Some people do exercise to lose weight, have a nice butt and release stress. My reason is different and I deeply realized the essence of Kung Fu exercise. It taught me a lot,  including patience and earnest. I have not reached the top, but I felt some part of it and managed to get close to its essence  .

- Since our childhood we were taught dividing or imposing many things as man’s color, man’s sport or woman’s behaviour. Have you ever doubted any of these things?

- A person should fall in love with something and lives off of that passionately. Life would be great if one’s passion comes from not only work or home but also something else. For me it is Kung Fu. When I exercise with Russian guys who have stronger physique and taller than me, we burn same energy and are equally tired . There is no gender difference, yet women have an advantage of being more persistent. 

There is a common understanding that wrestling makes you masculine and ballet makes you feminine. Yet I discover both strength and beauty from Kung Fu and absorb it.

- Was it a challenge to continue practicing Kung Fu when you were back in Mongolia due to opportunities and conditions?

When I came back, I worked on Rotaract’s project to teach Kung Fu on every Saturday for 6 months at  Orphanage. It was very difficult. After the class,  when I got home and thought about those kids, I would cry. What kind of teachers work with them and those kids could not choose their parents when they were born but they should have a dream and passion. Why nobody advice them about it. I had so many racing thoughts. Then I decided to open a school without a second thought.  Since then I have had a small school named “Lilin Kung Fu” with 200 students. 

- Family upbringing and manner guide us through our life unconsciencely or consciously. What did your parents teach you and model you about how a woman should grow up?

I am the eldest in my family. Due to work of parents, they would trust me taking care of my siblings. There was nothing secret about my family upbringing. But they trusted us I think it is a crucial upbringing.  

My mother grew up in a big family with many siblings. I think she got her confidence and view about the world without any influence. I sense it from my mother. She does have own personality and is an independent woman who lives in her own terms.  My father is the same and they live in their own terms. Therefore, they do not force others. My mother thinks that girls do not have to wear pink clothes and it does not matter if they wear boy’s sneakers. Therefore, we played games that we like, wore clothes that we preferred and made friends with whoever we had common understanding. 

I deeply believe in one thing. Every person has one’s own characteristics not dependent on gender or race. It is about what one can do and how he spends his time for the things he likes. Every person spends his life within his own capacity. In modern times, rather than living a standard life, we live according to our capacity. Now the idea that men should do this kind of job and women should do this kind of job is going out of style. 

- What is the most valuable quality that you got from your mother?

- Respect, love and passion for the person that is next to you. I think my mother shows me how to understand men’s world, sense and compassion. I respect my mom’s this characteristic. I think my mother is a master who is a genuine intellect on how to navigate a family, how to respect her husband, how to make herself understood to her husband and how to make her wish come true.

- What qualities do you look for in your future husband? 

- I think myself as a social person and realized that have a lot of energy. Regarding my family orientation, I am more into eastern culture. Men and women complement each other and trust each other. Two fires cannot fire each other, so I imagine my boyfriend to be patient, serious and stable. Also, he understands my work and I should also respect him. 

- What do you think, what kind of woman is a WOMENWHODARE?

- I have seen a lot of courage from women next to me. I think a woman who practices her passion without considering social pressure or her work while ignoring the character that is imposed on and expected from her is courageous. There are women who have impact on the people around them. Those women can be anyone, a doctor, teacher or cleaner. I think those women who make them respect her are the powerful women and women who dare. We live in an environment where people label women as “women with issues” and they are too critical. But there are many free spirited women who do not give any significance to those people, live freely and find positivity in these matters. I would say such women are WOMEN WHO DARE. 

- When you are feeling down, where do you get your energy?

- I live happily in a wonderful family. I am given an opportunity to do the work I like, with people I like. I always think I have options and I get up on my feet. I feel sorry for people who do not have options. It is pity that they do not see the options. 

- What scares you most in life?

I am afraid of losing my close ones whom I love and who give me strength. As a person I had felt loneness. At the moment I wondered what I would do if  I did not have them. Therefore, I am afraid of losing them. 

- What was the most precious advice you were given in life?

- I always remember a valuable suggestion given from my Shifu. The society devalues women automatically by 20-58%. In any place, it is common that women are valued that way. We must show that women are not like that through our actions.  And we can show that by doing our work with our best knowledge.

Interviewed by J.Mandkhai, freelance 

холбоотой мэдээ
1
2019.11.13
#WOMENWHODARE | Х.Баасанжаргал: Айвал бүү хий, хийвэл бүү ай
2
2019.07.03
#WomenWhoDare | Д.Эрдэнэбаясгалан: Шударга байхаас би хэзээ ч ухрахгүй, болихгүй, айхгүй
3
2019.06.10
#WomenWhoDare | Б.Хулан: Өөрийнхөө хувьд хамгийн сайн хувилбар нь байвал өөртөө итгэлтэ...
санал болгох
1
2 цагийн өмнө
Интернетээр шүүмжлүүлснийхээ дараа киноны дүрээ дахин бүтээж, шинэ трейлер цацжээ
2
3 цагийн өмнө
Хоёр өөр амьдралыг нэг зурагт багтаасан "хамгийн хүчирхэг" 24 гэрэл зураг
3
3 өдрийн өмнө
Энэ 7 хоногийн ТРЭНД сэдвүүдийн тухай ХӨГЖИЛТЭЙ 8 пост, meme

Энэ мэдээнд өгөх таны сэтгэгдэл?
1
0
7
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.