мин

Куба дахь Кастрогийн үе дууслаа

Рауль Кастро ах Фидель шигээ онцгой хүн байсангүй.

М.Сугар-Эрдэнэ 2018.04.18 37 31 16

Өнөөдөр Кубад их өөрчлөлтийн үе эхэлнэ. Өнөөдөр болох тус улсын хууль тогтоох дээд байгууллага болох Үндэсний ассамблейн хуралдаанаар Төрийн зөвлөлийн болон Сайд нарын Зөвлөлийн тэргүүн Рауль Кастрогийн оронд 57 настай Мигель Диас-Канелийг сонгох юм. Ингэснээр Куба дахь Кастрогийн үе өндөрлөж байна.

Төрийн зөвлөлийн тэргүүн гэдэг бол Ерөнхийлөгч гэсэн үг. Кубад хэдэн жилийн өмнөөс засгийн эрхийг шилжүүлэх үйл явц алгуурхан эхэлсэн. Рауль Кастрогийн дахин сонгогдох эрхийг 10 жилээр хязгаарласны дараа Коммунист намын тэргүүний албыг ч хугацаатай болгосон билээ.

Рауль Кастро ах Фидель шигээ онцгой хүн байсангүй. 1957 оны хувьсгалд оролцсон ч үргэлж ахынхаа сүүдэрт байдаг байлаа. Фиделийг тэтгэвэрт гарсны дараа тэр болгоомжтойгоор шинэчлэл хийж эхэлсэн. Рауль АНУ-тай дипломат харилцаагаа сэргээж, Ерөнхийлөгч Барак Обамаг Кубад урьсан билээ.

Рауль Кастро Коммунист намын тэргүүний ажилдаа үлдэх ч Кубын Төрийн тэргүүнээр үлдэхгүй нь тодорхой.

М.Сугар-Эрдэнэ 2018.04.18