Харүки Мүракамигийн "Killing Commendatore" гэх шинэ номын тухай 6 баримт
Түүний шинэхэн ном!
1. Харүки Мүракамигийн шинэ роман, "Killing Commendatore" 2018 оны хоёрдугаар сарын 24-нд ганцхан Японд худалдаанд гараад байсан юм. Харин саяхан Хятад хэл дээр худалдаанд гарчээ. Англи хэл рүү хөрвүүлэх ажил явагдаж байгаа бөгөөд Их Британид аравдугаар сард худалдаанд гарах аж. Манайд хэзээ орчуулагдаж гарах нь тодорхойгүй.
2. Уг ном дотроо хоёр өөр хэсэгтэй. Нэгдүгээр хэсэг: The Idea Made Visible, Хоёрдугаар хэсэг: The Shifting Metaphor. Япон хэл дээр нийт 1048 нүүр хуудас болжээ.
3. Уг зохиолын гол дүр нь 36 настай нэгэн зураач эр байх ба эхнэрээсээ хагацсан мэдрэмжээ даван туулж байх үеийг харуулна. Тэр алдартай зураачийн гэрт байрлаж, дээврийн хөндийгөөс нэгэн нууцлаг зургийг олдог байна.
4. Моцартын Дон Жуаны дуурийн хэсгээс Японы хөрс дээр буулгасан гэж харж болно.
5. Мүракамигийн зохиолууд хэв маягаараа янз янз байдаг. Энэ гайхалтай, олон "давхаргатай" роман нь гарцаагүй түүний шилдэг бүтээлүүдийн нэг болох "The Wind-Up Bird Chronicle"-ийг санагдуулам бөгөөд өгүүлэмжийг шинэ өөр төвшинд аваачиж чадсан гэгдэж байна.
6. Англи хэл дээрх урьдчилсан захиалга 15 долларын үнэтэй байгаа юм байна. Мөн Монголоос захиалах боломжтой.