2 мин

Жейсон Стейтем ямар тамирчин байсан бэ

Их Британийн алдарт жүжигчин Жейсон Стейтем их спортоос гараагаа эхэлсэн гэдгийг та мэдэх үү?

М.Сугар-Эрдэнэ 2018.04.18 46 38 5

4

Их Британийн алдарт жүжигчин Жейсон Стейтем их спортоос гараагаа эхэлсэн гэдгийг та мэдэх үү? Тиймээ, тэр Их Британийн усанд үсрэлтийн шигшээ багийн гишүүн байсан хүн. Харин хэр тамирчин байсан бол гэдгийг нь бид судлаж үзлээ.

Жейсон Стейтем 1967 оны долоодугаар сарын 26-нд Англид төрсөн. Аав нь дуучин, ээж нь оёдолчноор ажиллаж байгаад дуучин болсон хүн байв. Тэгэхээр гэнэт ажлаа солих нь тэдний гэрбүлд хэвийн үзэгдэл байжээ.
Жейсон сэргэлэн хүүхэд байлаа. Эцэг эхээ харсаар байгаад тэр гудамжны театрын урлагт суралцсан юм. Хөлбөмбөг тоглодог байсан ч яагаад ч юм усанд үсрэлтийн спортод “дурласан”.

Тэр зүгээр нэг үсрээд байсангүй, Их Британийн шигшээ багт 12 жил зүтгэсэн тамирчин. Гэхдээ тэр усанд үсрэлт бол миний хобби гэж ярьдаг байв. Аргагүй тэр амьдралаа гудамжинд наймаа хийж залгуулдаг байсан.
Түүний 28 жилийн өмнөх үсэрч байгаа бичлэг ВВС-д байдаг. Одоогийнх шигээ халзан биш Стейтем 3 метрийн трамплинаас харайж байна.

Дасгалаа олигтой гүйцэтгээгүй болохоор спорт хобби гэдэг нь үнэн бололтой. Стейтем ч “жинхэнэ” тамирчдыг шүтэн биширдэг байлаа.1990 онд тэр ОХУ-ын баг тамирчдаас хамт зураг авахуулаач гэж гуйж байв.

Харин одоо тэд Жейсонтой хамт зураг авахуулж байсандаа баярлаж суугаа нь лавтай.
Жейсон Стэтхэм ерөөд оны сүүл хүртэл үсрээд л байлаа. Азаар тамирчидтай хамтран ажилладаг нэгэн агент түүнийг "Tommy Hilfiger”-ийн зар сурталчилгааны бичлэгт орох санал тавьсан юм.

Ингээд загвар өмсөгчийн замнал нь эхэлсэн ч төд удалгүй кино ертөнцөд орсон билээ. Харин Холливудад тэр хэр амжилттай байгааг бид сайн мэднэ.

М.Сугар-Эрдэнэ 2018.04.18

4