мин

Бейонсе “Коачелла"-гийн тайзыг эзэгнэлээ

Энэ жилийн “Коачелла” наадмын хамгийн загварлаг зочдын нэг яах аргагүй алдарт дуучин Бейонсе байв.

Ub.life 2018.04.23 41 39 2

18

Колорадогийн цөл дэхь Коачеллагийн хөндийд жил бүр уламжлал болгон зохиогддог "Коачелла" хөгжим, урлагийн наадам өчигдөр өндөрлөлөө.

“Coachella Valley Music and Arts Festival” наадам нь анх 1999 онд зохион байгуулагдаж байсан  байна. Харин 2001 оноос эхлэн жил бүрийн дөрөвдүгээр сарын гурав эсвэл дөрөв дэх долоо хоногийн амралтын өдрүүдэд зохион байгуулагдах болжээ. 

“Коачелла” хөгжмийн наадамд инди-рок, хип-хоп, электро, поп урсгалаар уран бүтээлээ туурвидаг хамтлаг, дуучид оролцдог. Наадмын үеэр уран баримал, зургийн үзэсгэлэнг дэлгэдэг байна. 
Наадмын талбайд таваас зургаан тайз засдаг аж. Эдгээр нь гол тайз (Coachella Stage), задгай театр (Outdoor Theatre), Гоби-тент (Gobi Tent), Мохави-тент (Mojave Tent)  мөн Сахара-тент (Sahara Tent) юм.  

Жуулчдын анхаарлыг хамгийн ихээр татдаг хөгжмийн наадмын нэгт зүй ёсоор багтдаг “Коачелла”-д оролцогчдын тоо жилээс жилд нэмэгдсээр байна. Тиймээс ерөнхий зохион байгуулагч “Goldenvoice” компанийн зүгээс гурван өдрийн хөгжмийн наадмыг долоо хоногийн зайтайгаар энэ жил хоёр удаа амжилттай зохион байгууллаа. 

Урьд өмнө нь “Коачелла” хөгжмийн наадмыг 60-аад оны хиппи болон 70-аад оны этник, бохо, гранж стилээр хувцасласан хүндэт зочид чимдэг байсан бол орчин үед энэхүү хэв маяг их эвдэгдсэн аж. Өнөөгийн “Коачелла” наадам дресс-кодгүй мөртлөө хамгийн загварлаг хүмүүсийн цугладаг газар болж хувираад байна. Наадмын хорхойтнууд бүүр жилийн өмнөөс хувцасаа базааж, дахин давтагдашгүй өвөрмөц загварын хувцас өмсөхийг эрмэлздэг болжээ. 

Энэ жилийн “Коачелла” наадмын хамгийн загварлаг зочдын нэг яах аргагүй алдарт дуучин Бейонсе байв. Түүний үзүүлбэр гайхамшигтай байсан учраас “Коачелла” наадмыг цаашид "Бей-челла" гэж нэрлэе гэсэн хүмүүс сошиал сүлжээнд олон байсан юм. 

Бэлтгэсэн: Т.Жанерке

Ub.life 2018.04.23

18