Ринер хоёр ДАШТ-д оролцохгүй
2019 онд Парисийн Их Дуулгад л хүч сорих гэнэ.
Францын спортын хэвлэлүүд өнөөдөр нэгэн сенсаац мэдээг дэлхий дахинд цацлаа. Дэлхийн 10 удаагийн аварга алдарт Тедди Ринер ирэх хоёр ДАШТ-д оролцохгүй гэнэ.
Ринерийн дасгалжуулагч Франк Шамбили “Бид гол зорилгоо “Токио 2020” олимпийн наадам гэж үзэж байгаа. Энэ наадамд бид Теддиг ямар ч гэмтэл бэртэлгүй оролцуулах болно. Ринер өнгөрсөн ДАШТ-үүдэд байнга гэмтдэг байсан” гэж ярьжээ.
Гэхдээ мэдээж Тедди тэмцээнгүй үлдэхгүй. Дасгалжуулагч багштайгаа зөвлөлдсөний эцэст тэрбээр аравдугаар сард Канкун, 11 дүгээр сард Ташкентийн Гран Прид оролцох шийдвэр гаргажээ. Харин 2019 онд Парисийн Их Дуулгад л хүч сорих гэнэ.