1 мин

Сартай уншлага: Франц Кафкагийн “Хувирал” туужийг онцоллоо

“Хувирал” туужийг жүжигчин Я.Билгүүнсар “Black box” театрт уншина.

Э.Намуун 2018.04.25 47 19 2

15

Экзистенциалист зохиолч Франц Кафкагийн “Хувирал” туужийг энэ удаад “Сартай уншлага” онцолж энэ бямба гарагт хүмүүст хүргэх гэж байна. “Хувирал” тууж “Тагтаа паблишинг”-ийн үүсгэн байгуулагчдын нэг Ж.Тэгшзаяагийн орчуулгаар та бүхэнд хүрсэн билээ. 

“Хувирал” туужийг жүжигчин Я.Билгүүнсар “Black box” театрт уншиж, морин хийлийн гунигтай, эрэмгий, түгшүүрт сэтгэлийн өнгүүд хоршино. Туужийн нэгээхэн хэсгийг модерн бүжгээр илэрхийлэх бөгөөд театрчилсан уншлага дуусахад орчуулагч Ж.Тэгшзаяа зохиолын талаар уншигч, үзэгчидтэй дэлгэрэнгүй яриа өрнүүлэх бөгөөд арга хэмжээний тасалбарт  “Хувирал тэргүүт тууж, өгүүллэгүүд” ном дагалдах юм.

Өглөө сэрэхдээ үзэшгүй муухай шавьж болон өрөөндөө сэрэх Грегор Замза хэмээх залуугийн сэтгэлзүй, гэр бүлийн тухай өгүүлэх уг туужаар нийгэм, хүний оршихуй, сэтгэлийн гүнд нуугдаж байдаг харгис үнэнүүдийн талаар өгүүлнэ. Бодит болон бодит бус үйл явдлыг хослуулсан энэ тууж одоогоос 102 жилийн өмнө анх хэвлэгдсэн бөгөөд үүнээс хойш шүүмжлэгч, судлаачид хэдэн зуун эсээ, анализ бичиж, өөр өөрийн таамгийг дэвшүүлсэн байдаг. 

Э.Намуун 2018.04.25

15