Хоёр Солонгосын удирдагчдын зоог Японд таалагдсангүй
Тухайн арлууд нь хоёр орны маргаантай газар нутгийн нэг бөгөөд солонгосоор Токто арал гэдэг бол япончууд Такэшима хэмээн нэрлэдэг.
Хойд, Өмнөд Солонгосын удирдагчдын дээд хэмжээний уулзалт Панмунжомд маргааш болох гэж байна. Талууд түүхэн уулзалтын бүх зүйлийг минут, секундээр нь яг таг тохиролцоод байгаа аж. Хэдэн цагт төрийн тэргүүд гар барих, хэдэн цагт гарын үсэг зурахаас эхлээд идэх хоолны цэс ч тодорхой болсон.
Харин тэдний идэх зоог япончуудад таалагдсангүй.
Өмнөд Солонгосын Ерөнхийлөгч Мүн Жэ Иний тогооч цэсийг нийтэд толилуулж, гэрэл зургийг нь хүртэл тавьсан юм. Зоогны дараах десертэд Өмнөд Солонгосын тал манго жимс бэлтгэсэн бөгөөд Солонгосын хойгийн дүрстэй шоколадаар чимэглэх нь мэдэгджээ. Энэ дүрсэнд Лианкур арлууд багтсан нь Япон улсын эгдүүцлийг хүргэсэн байна. Тухайн арлууд нь хоёр орны маргаантай газар нутгийн нэг бөгөөд солонгосоор Токто арал гэдэг бол япончууд Такэшима хэмээн нэрлэдэг.
Японы Гадаад хэргийн яамнаас Токио дахь БНСУ-ын Элчин сайдаг дуудан, зоогноос тухайн дүрсийг хасах шаардлага тавьжээ.