Трампын ихэр эмээ Испанид амьдарч байна
Зураг одоогийн байдлаар 8000 лайк авч, 47 шэйрлэгдээд байна.
Сэтгүүлчид АНУ-ын Ерөнхийлөгч Доналд Трампын ихрийг Испанийн хөдөө тосгоноос “олжээ”. Тэд усны хоёр дусал мэт маш адилхан ч Испани “Трамп” нь эмэгтэй, өөрөөр хэлбэл испани эмээ. Тэдний нэг нь Цагаан Ордонд суун, дэлхийн хувь заяаг шийдэж байгаа бол нөгөөх нь Испанийн бяцхан тосгонд аж төрж байна.
Долорес Лейс Антело хэмээх энэ эмэгтэй өнгөрсөн долоо хоногт орон нутгийн нэгэн сонинд ярилцлага өгч, хар шуурга фермд нь их хохирол учруулсан талаар ярьсан юм.
Кабана-де-Бергантиньосийн фермд хүрз барин зогсож байгаа түүний зургийг сонингоос харсан хүмүүс испани эмээг Америкийн Ерөнхийлөгч Доналд Трамптай маш адилхан байгааг анзаарчээ. Ингээд л цахим ертөнцөөр эмээгийн зураг тарж эхэлсэн. Зураг одоогийн байдлаар 8000 лайк авч, 47 шэйрлэгдээд байна.
Долорес өөрөө яагаад ийм шуугиан гарсныг огт ойлгохгүй байгаа юм. Учир нь тэр олон нийтийн сүлжээнд орох байтугай гар утас ч байхгүй.
“Охид минь зураг үзүүлээд та алдартай болчихлоо л гэдэг юм. Яагаад гэдгийг нь би ойлгохгүй байна” гэж тэр “Newsweek”-т ярилцлага өгөхдөө хэлжээ.
Долорес америк “ихэр” шигээ Мексикийн хил дээр хана барих биш харин ган гачигтай үед ургацаа алдахгүй байхад л санаа зовж явдаг гэнэ.