мин

Шүтдэг багийнхаа өмсгөлийг тэр чигээр нь шивүүлсэн фэн

Энэ шивээсийг 32 удаагийн “зочлолтоор” нийт 90 цаг шивүүлсэн байна.

М.Сугар-Эрдэнэ 2018.04.27 37 28 18

48

Хөлбөмбөгийн хэнээтэй фэнүүд янз бүрийн солиотой юм хийдэгт бид хэдийнэ дассан. Шүтдэг багийнхаа бэлгэ тэмдгийг шивүүлдгийг ч бүгд мэднэ. Харин Бразилийн Хосе Маурисио багийнхаа өмсгөлийг тэр чигээр нь биен дээрээ шивүүлж, дэлхийг дэлдийлгэсэн юм.

33 настай Хосе Маурисио Рио-де-Жанейро хотын “Фламенго” багийн шүтэн бишрэгч. Энэ багт Зико зэрэг алдарт одод тоглож байлаа. Хосе багийнхаа өмсгөлийг шивүүлж, холоос харсан хүнд бол өмсгөлийг нь өмсөөд явж буй мэт харагдана. Энэ шивээсийг 32 удаагийн “зочлолтоор” нийт 90 цаг шивүүлсэн байна.

Маурисио ядуу зүдүү өссөн тул багаасаа “Фламенго”-гийн өмсгөл худалдан авахыг хоосон мөрөөдөөд суудаг байж. Тэгвэл одоо тэр мөрөөдлөө биелүүлсэн. Гэхдээ хэд дахин давуулж. Учир нь одоо тэр үргэлж “Фламенго”-той цуг.

“Би төрөхөөсөө л “Фламенго”-д хайртай байлаа. Энэ хайраа илчлэхийг байнга хүсдэг байсан. Харин одоо миний биений 40 хувь “Фламенго” болсон тул хайранд минь эргэлзэх хүн байхгүй биз ээ” гэж тэр ярьсан.

Шивээс хийлгэж байгаа явцаа тэр инстаграмаар шууд дамжуулж байсан тул “Фламенго”-гийн фэнүүд сэтгэл доглон харж суусан юм. Гэхдээ тэдний дунд Хосег дууриах хүн гарахгүй байгаасай гэж залбирья.

М.Сугар-Эрдэнэ 2018.04.27

48