Нислэгийн цаг уурын төв шинэ нисэх буудалд мэдээгээр үйлчилж эхэллээ
Цаг уурын автомат станцын хэмжилтээр ажиглалт хийж байна.
Улаанбаатар хотын олон улсын нисэх онгоцны шинэ буудалд нислэгийн журмуудыг шалгах нислэгийг 2018 оны 04 дүгээр сарын 25-ны өдрөөс гүйцэтгэж эхэллээ.
Энэхүү ажилд Нисэхийн аюулгүй ажиллагааны хяналт, зохицуулалтын алба, нисэх буудал, Нислэгийн хөдөлгөөний үйлчилгээний алба, Техник хангалт, навигацийн үйлчилгээний алба, Нислэгийн цаг уурын төв зэрэг иргэний нисэхийн бүхий л салбарын мэргэжилтнүүд нислэгийн аюулгүй ажиллагааг ханган ажиллаж байна.
Нислэгийн цаг уурын төвөөс шинэ нисэх буудалд суурилагдсан цаг уурын автомат станцын хэмжилтээр цаг агаарын бодит ажиглалтыг хийж, Хөшгийн хөндий орчмын урьдчилсан мэдээгээр шалгалтын нислэгт үйлчилсэн бөгөөд энэ сарын 29-нд шөнийн нислэгийн шалгалтаар үргэлжлэх юм.