мин

Монгол барималчид Трампыг мөсөөр урлана

Энэ төслийн хүрээнд Арктикт асар том мөсөн уулан дээр АНУ-ын Ерөнхийлөгч Доналд Трампын мөсөн баримлыг хийх юм.

М.Сугар-Эрдэнэ 2018.05.03 33 19 8

Финландын “Хайлж буй мөс” байгаль хамгаалах байгууллагын ажилтнууд “Трампмор” төсөл хэрэгжүүлэх гэж байна.
Энэ төслийн хүрээнд Арктикт асар том мөсөн уулан дээр АНУ-ын Ерөнхийлөгч Доналд Трампын мөсөн баримлыг хийх юм. Гэхдээ Рашмор уулан дээр байдаг Америкийн дөрвөн ерөнхийлөгчийн хөрөг шиг хийх гэнэ.

Энэ төсөлд Финландын мөсөн барималчид манай уран бүтээлчдийг хамтран ажиллахаар урьжээ. 35 метр өндөр, 20 метр өргөн, усан дор мөн 20 метр гүн байх хөшөөг 4 долоо хоногт хийх гэнэ. Нийт зардал 400 мянган евро болох юм. Одогоор байгаль хамгаалагчид хандив цуглуулж эхлээд байна.  
“Трампмор” төслийн гол зорилго нь дэлхийн олон нийтийн анхаарлыг цаг уурын дулааралд хандуулах бөгөөд Трампын мөсөн баримал хэрхэн хайлж байгааг харсан хүмүүс дэлхий ямар аюулд унаад байгааг ойлгох юм.
Доналд Трамп цаг агаарын дулаарлыг худлаа хэмээн үздэг хүн. 2017 онд АНУ хүлэмжийн хийг багасгах Парисийн гэрээнээс гарсан билээ.

М.Сугар-Эрдэнэ 2018.05.03