Айлын том хүүхэд сурлага сайтай, IQ ӨНДӨРТЭЙ байдгийг эрдэмтэд тогтоожээ
Айлын том хүүхдүүд IQ өндөртэй байдаг
Айлын том хүүхдүүд хичээлдээ илүү сайн байдаг хэмээн судлаачид дүгнэжээ. Эцэг эхчүүд сүүлд төрсөн хүүхдүүдээ сул хянадаг учраас тэр. Эдийн засагч Жозеф Хоц, Хуан Пантано нарын онцолсноор, эцэг эхчүүд хатуу хяналт тавьж, сурлагад нь нарийн анхаарах нь голчлон эхний хүүхэд дээр ажиглагддаг.
Хүүхэд өсгөх туршлага сайжрах тусам илүү сайн эцэг эх болох бус уу? Нас нэмэх тусам санхүүгийн боломж нэмэгдэж, хүүхдэдээ илүү хөрөнгө зарцуулах боломжтой болно биз дээ? Энэ мэтээр олон эцэг эрх дээрх дүгнэлттэй маргах байх. Гэвч олон судалгаанаас харахад, айлын том хүүхдүүд IQ өндөртэй байдаг аж. 1979 онд судлаачид эхчүүд том хүүхдээ илүү чадварлаг гэж хардаг гэж дүгнэсэн нь бий.
Айлын том хүүхэд хамгийн ухаалаг гэх дүгнэлтийг судлаачид удаа дараа хийсэн байдаг. Эдгээр нь:
-Хуваагдсан анхаарал: Эцэг эхийн анхаарал хуваагдаагүй байдаг учраас том хүүхдүүдийг илүү асарч, цаг зарцуулдаг.
-Муу ген: Том хүүхдүүдийн IQ илүүг ажигласан зарим судлаач сүүлд төрсөн хүүхдүүд генийн гажгийг нь өвлөдөг гэж таамаглажээ.
-Заах хүнтэй: Айлын том хүүхдүүд дүү нартаа хичээлийг нь зааж, давтуулах нь элбэг. Энэ тохиолдолд сурсан чадвараа өөрийнхөө хичээлд ашиглаж, сурлага нь сайжирдаг.
--Залхуу эцэг эх: Хүүхэд өсгөх туршлагагүй залуу эцэг эхчүүд юм болгонд онцгойлон анхаардаг бол хожмоо “Бүх юм сайхан болно” гэх хандлагаар асуудлыг шийддэг нь
-Салалт: Салалт зэрэг гэр бүлийн асуудал ихэвчлэн том хүүхэд төрсний дараа тохиодог. Болсон ч харьцангуй том болсон байх нь түгээмэл. Харин удаах хүүхдүүдэд хүндээр тусдаг.