1 мин

ВИДЕО: Эмч, сувилагчид шаардлагыг хүлээж авахгүй бол ажил хаяна гэлээ

Ub.life 2018.05.08 31 28 20

Өнөөдөр 21 аймгийн 8000 гаруй эмч, сувилагч, эмнэлгийн ажилтанууд нэгдсэн жагсаал боллоо. Жагсаалын үеэр УИХ-ын дарга М.Энхболд, Монгол Улсын Ерөнхий сайд У.Хүрэлсүх, Эрүүл мэндийн сайд Д.Сарангэрэл, Төсвийн  байнгын хорооны дарга Б.Чойжилсүрэн, Нийгмийн бодлого, боловсрол, соёл, шинжлэх ухааны байнгын хорооны дарга Ё.Баатарбилэг нарт дараах таван шаардлагыг хүргүүлж байгаа юм. 

1. Эрүүл мэндийн салбарын ажилтаны цалинг энэ оны хоёрдугаар улирлын дотор 50-аас доошгүй хувиар нэмэх, төсөвт тодотгол хийж, төр авч чадахгүй байгаа татваруудаа авах боломжийг гаргах

2. Сувилагчийг төрөөс дэмжих, нийгмийн хамгаалал, хүний нөөцийг тогтоон барих, хүний нөөцийн бодлого болон бүтэц үйл ажиллагааны стандартын дагуу орон тоогоор ажиллуулахад шаардагдах хөрөнгийг 2019 оны төсвийн төсөлд бүрэн тусгаж өгөх

3. Эрүүл мэндийн салбарын төрийн үйлчилгээний албан хаагчийн албан тушаалын ангилал, зэрэглэлд  хамрагдаагүй ажил мэргэжлүүдийг бүрэн хамруулж, хамтарсан хэлэлцүүлгээс гарсан саналыг бүрэн тусгаж, энэ оны гуравдугаар улиралд багтаан шийдвэрлэж, хэрэгжүүлэх

4. Эрүүл мэндийн салбарын төрийн үйлчилгээний албан хаагчийн үр дүнгийн мөнгөн урамшлыг 60 хувьд хүргэн нэмэгдүүлэх эрх зүйн орчин, шаардагдах хөрөнгийг шийдвэрлэж, нэмэгдэл, нэмэгдэл хөлс урамшуулалтай холбоотой журмуудын нөхцөл шаардлагыг шинэчлэх

5. Өрхийн эрүүл мэндийн төвүүдийн эмч, ажилтнуудын томуугийн дэгдэлтийн үед  ажилласан илүү цагийн хөлсийг олгож, 2018 онд Эрүүл мэндийн даатгалын сангаас санхүүжилтийн 3.2 тэрбум төгрөгөөр ажилчдын цалин хөлсийг нэмэгдүүлэх боломжийг бүрдүүлэх

Энэхүү шаардлагын хариуг гурав хоногийн дотор өгөхгүй бол хуулиар тогтоогдсон эрхийнхээ дагуу ажил хаялт зохион байгуулах юм.

Өнөөдөр болсон жагсаалын үйл явцыг доорх видеоноос үзээрэй. 

Ub.life 2018.05.08