1 мин

Азид хамгийн хүчтэй нь АНУ, сул нь Лаос, Балба, Монгол

Манай улс 23-р байрт орж, Балба, Лаосын дээр гарсан байна.

М.Сугар-Эрдэнэ 2018.05.09

Австралийн “Lowy” хүрээлэнгээс Мягмар гарагт “Asia Power Index” чансааг анх удаа гаргаснаа зарлалаа. Энэхүү чансаа нь Ази тив дэх өнөөгийн болон ирээдүйн хүчний харьцааг харуулж байгаа юм.
Дэлхийн хүн амын ихэнх хэсэг нь амьдардаг Ази тивд дэлхийн хамгийн нөлөөтэй 3-4 улс байдаг. Одоогийн Ази тив бол дэлхийн худалдаа, аж үйлдвэрийн төв болоод байгаа билээ.

Чансаанд нийт 25 орон хамрагдсанаас Азид хамгийн нөлөөтэй, хүчтэй орноор АНУ шалгарсан байна. Америк 100 онооноос 85 оноо авч тэргүүлжээ. Тэдний араас Хятад 75,5 оноогоор удаалж, Япон, Энэтхэг, ОХУ эхний 5-д багтжээ.
Харин Азид хамгийн нөлөөгүй, сулхан оронд Балба, Лаос, Монгол, Камбож улсууд нэрлэгджээ. Манай улс 23-р байрт орж, Балба, Лаосын дээр гарсан байна.

МОНГОЛ

АНУ Азид тэргүүлсэн шалтгаан нь тус улсын хэвлэл мэдээлэлийн энэ тивд үзүүлэх нөлөө, боловсрол, цэрэг армийн хүч чадал байлаа. Жишээ нь, Хятадын China Daily нь Азид нөлөөгөөрөө Америкийн The New York Times-иас бага зэрэг нь нөлөөлжээ.
Австралийн судлаачид 2030 он гэхэд Азид Хятадын нөлөө АНУ-г даван гарна гэж үзэж байна.