1 мин

“Улаанбаатар Эмпати” сургуулийн сурагчид Олон улсын тэмцээнд оролцож, 19 медаль, 5 цом хүртлээ

Тус тэмцээнд 23 улсын 280 гаруй сурагч оролцсон байна.

Э.Намуун 2018.05.09 31 21 10

“Улаанбаатар Эмпати” сургуулийн сурагчид Их Британийн Кембриджийн Их Сургуульд өнгөрсөн сарын 19-23 хооронд зохион байгуулагдсан Олон улсын “The Intellectuals' Challenge” тэмцээнд амжилттай оролцоод иржээ.

Монгол Улсаа төлөөлөн оролцсон “Улаанбаатар Эмпати” сургуулийн англи хэлний А.Отгончимэг багшийн удирдсан 12 сурагчийн бүрэлдэхүүнтэй баг тус тэмцээнээс 19 медаль, 5 цом хүртсэн байна. Багийн тѳрѳлд, Г.Болор- 1 алт, 2 хүрэл, Ж.Тэлмүүн 2 алт, 1 мѳнгѳ, 1 хүрэл, Г.Цэцэн 1 алт, 2 хүрэл медаль хүртлээ. Харин ганцаарчилсан тѳрѳлд, Б.Болормаа 1 алт, Э.Ундрам 1 алт, Ш.Анударь 1 мѳнгѳ, Г.Намуун 1 мѳнгѳ, Ч. Батчулуун 1 хүрэл, Л.Нандин-Эрдэнэ 1 хүрэл, Б. Моломжамц 1 хүрэл, Г.Түшиг 1 хүрэл, Х.Хатанбилэг 1 хүрэл медаль тус тус хүртсэн юм.

“The Intellectuals' Challenge” тэмцээн нь дөрвөн өдрийн турш багийн болон ганцаарчилсан төрлөөр явагдсан бөгөөд 23 улсын 280 гаруй сурагч оролцжээ. Тухайн тэмцээн нь сурагчдын англи хэлний мэдлэг, сэтгэн бодож хэлэлцэх, сэтгэн бодохуйн чадварыг сорьсон олон улсын томоохон тэмцээний нэг юм. Энэхүү Олон улсын тэмцээн нь хүүхдүүдийг олон орны соёлтой танилцуулж, англи хэлийг сурах хүсэл эрмэлзэлтэй болгож, ирээдүйн мэргэжлээ зөв сонгож, өөрийгөө хөгжүүлэхэд ихээхэн нөлөө үзүүлдэг юм. 

Учир нь тусгай хөтөлбөрийн хүрээнд багш, сурагчдын баг Лондон, Кембридж, Манчестер зэрэг Английн 3 том хотоор аялж, Их Британийн соёл, түүх болон Хаант төр, парламентын засаглалын талаар илүү их мэдээлэлтэй болсон байна. 

Э.Намуун 2018.05.09