Playtime наадмын тасалбар ХУДАЛДААНД ГАРЛАА
Та үнийг нь харж амжаагүй байгаа юу? Бэлтгэлтэй байгаарай.
Playtime наадам долдугаар сарын 6, 7, 8 гэсэн өдрүүдэд болох болно. Тасалбарын үнэ зарлагдах мөч бас л line-up шиг зүрх салгалуулдаг зүйл шүү.
Энэ жилийн тасалбарын тухайд хэд хэдэн мэдээлэл байгаа. Учир нь энэ жил ХЭВЛЭГДСЭН ТАСАЛБАР БАЙХГҮЙ.
Та онлайнаар тасалбараа захиалах ба наадам эхлэх өдөр үүдэн дээр очиж тасалбараа уншуулаад, бугуйвчаа зүүгээд орох нь ээ. Тиймээс онлайнаар худалдан авахын тулд ЭНД дарж ороорой.
Мөн тасалбарын үнийн хувьд ийм байна:
Хэрэв та ЭРТЭЧ ШУВУУ болж, хурдхан тасалбараа авах юм бол гурав хоногийн такс 60 мянган төгрөг. Оройтож авах бол 70 мянган төгрөг. Хаалга дээрээс авч орно гэх юм бол 90 мянган төгрөг.
Тиймээс таныг эртхэн тасалбараа захиалаарай гэж зөвлөх байна. Мөн та line-up эргэн нэг дурсахыг хүсвэл доор зургийг нь орууллаа.
Playtime наадам болоход 50 хоног үлдээд байна!