1 мин

Хифүми Абэ: ДАШТ-д бүх барилдаанаа иппоноор дуусгах зорилготой

Гол өрсөлдөгчид минь Орос, Гүрж, Израиль, Өмнөд Солонгосын бөхчүүд байх болно.

М.Сугар-Эрдэнэ 2018.05.17 26 17 5

14

Олон улсын жүдо бөхийн холбооноос алдарт жүдочидтой хийж байгаа богинохон ярилцлагын энэ удаагийн зочноор Японы бөх Хифүми Абэ сонгогджээ. Түүнээс өмнө гавьяат тамирчин Д.Сумъяа, Францын Тедди Ринер, Кларисс Агбеньену, Бразилийн Майра Агияр нарын хариултыг бид толилуулсан билээ.

-    Чи дэлхийн аварга цолыг хадгалж байгаа тамирчин. Ирэх ДАШТ-д ямар зорилготой оролцох гэж байна?
-    Энэ удаад би бүх барилдаанаа иппоноор цэвэр ялахыг хүсч байна. Өнгөрсөн ДАШТ дээр чадаагүй юм л даа.
-    Чиний гол өрсөлдөгч?
-    Улс бүр төдийгүй тамирчин болгон өөрийн гэсэн онцлогтой. Хэрэв заавал хэн нэгнийг нэрлэ гэх юм бол гол өрсөлдөгчид минь Орос, Гүрж, Израиль, Өмнөд Солонгосын бөхчүүд байх болно. Сайн бэлтгээд бүгдийг нь ялахыг хичээнэ.
-    Япон жүдочид ямар ч тэмцээнд түрүүлэх тамирчинд тооцогддог. Бүгд чамайг ялахыг хүсч, эрчимтэй бэлтгэл хийж байгаа нь нэмэлт дарамт болдог уу?
-    Тэмцээн болгон дарамтан дунд өнгөрдөг. Харин энэ дарамтыг өөртөө ашигтайгаар зөв тийш нь залж чаддаг байх хэрэгтэй.
-    Жүдо бөхийн юу нь таалагддаг вэ, яагаад?
-    Иппоноор цэвэр ялах нь хамгийн сайхан. Өдөр бүр хүнд бэрх бэлтгэл хийж байгаагийн үр дүн нь цэвэр ялалт.
-    Жүдо бөхөөс олсон зүйл?
-    Мэндэлж хүндлэх ёс, биеэ зөв авч явах чадвар.

М.Сугар-Эрдэнэ 2018.05.17

14