Х.Баттулга, В.Путин, Ши Жиньпин нар 6-р сард уулзана
Зургаадугаар сарын 9-нд Хятадын Циндаод Шанхайн хамтын ажиллагааны байгууллагын гишүүн орнуудын дээд хэмжээний уулзалт болно.
Гадаад харилцааны сайд Д.Цогтбаатар ОХУ-ын Гадаад хэргийн сайд С.В.Лавровын урилгаар 2018 оны 5 дугаар сарын 16-17-ны өдрүүдэд ОХУ-д айлчилж байна. Айлчлалын үеэр болсон хэвлэлийн бага хурал дээр сайд Д.Цогтбаатарын хийсэн мэдээлэл олны анхаарлыг ихэд татлаа.
Хөрш гурван орон буюу Монгол, ОХУ, БНХАУ-ын Төрийн тэргүүд ирэх сард уулзахаар болжээ. Зургаадугаар сарын 9-нд Хятадын Циндаод болох Шанхайн хамтын ажиллагааны байгууллагын гишүүн орнуудын дээд хэмжээний уулзалтын үеэр Х.Баттулга, В.Путин, Ши Жиньпин нар уулзалт зохион байгуулах болсон байна.