Тэрүнофүжи 23-наас барилдана
Энэ башёд 5 ялахгүй бол макүшитад унах аюул нүүрлээд байгаа юм.
Зүүн өвдөгний гэмтлийн улмаас Зуны тэмцээний голоос гарсан жюүрёогийн бөх Тэрүнофүжи 23-ны өдөр буюу тэмцээний 11 дэх өдрөөс дахин барилдах болжээ. Жюүрёогийн зүүний 8-д бичигдэж байгаа тэрбээр энэ башёд 5 ялахгүй бол макүшитад унах аюул нүүрлээд байгаа юм.
Исэгахама ояката “21-ний орой хоёулаа сууж байгаад сайн ярилцлаа. Гэмтэл бага зэрэг гайгүй болсон. Ямар ч гэсэн чадах бүх зүйлээ хийе гэж шийдэцгээсэн. Маргаашын барилдааныг хараад цаашид яахаа шийднэ” гэж сэтгүүлчдэд хэлсэн байна. Озэки цолтой байсан бөх макүшитад барилдаж байсан түүх байхгүй гэдгийг ч ярицлсан гэдгээ ояката дуулгасан юм.
Тэрүнофүжи бэлтгэл хийж эхэлсэн бөгөөд “Макүшитад унаж магадгүй байгаа болохоор ямар ч гэсэн 5 өдөр хичээж зүтгэхээс өөр арга алга” гэж ярьжээ.