1 мин
The Lemons хамтлагийн Red Album цомог ПЯНЗ болон гарахад ТУН ДӨХЛӨӨ
Хүлээлт, хүлээлт!
О.Анхзаяа
40 
40 
3 
Шинэ пянзны сураг дуулдлаа шүү! Цаг хугацаа нь маш дөхсөн учир магадгүй сарын эхнээс л таны чихийг гоё содон мэдээ баярлуулах байх. Red Album, амьд хөгжим сонирхогчдын хайртай цомог ийнхүү пянз болон таны гар дээр ирэхэд тун бага хугацаа үлдээд байна.
Red Album анх 2006 онд 440Hz студид бичигдэж, master & mixing зэргийг Reghu Raman хийж байсан юм.
Hi-Fi Label-тэй хамтарч гаргасан анхны цомог ийнхүү 12 жилийн дараа пянз хэлбэрээр гарч байна!
Тус цомогт 10 дуу багтсан байдаг ба "Мэлхий гүнж", "Хайртай", "Цэнхэр нүд" дуунууд нь хүн бүрийн зүрх сэтгэлд гүн сэтгэгдэл үлдээж, хит болж байсан. Одоо ч аманд аялагддаг шүү дээ.
"Хайртай" дуу нь 2006 оны Пентатоник наадмын "Шилдэг Альтернатив дуу", Red Album цомог нь харин уг наадмын "Шилдэг цомгийн бичлэг" шагнал хүртэж байсан бол ингээд ч зогсохгүй, тус цомгийн "Red Live" тоглолтоороо мөн тус оны Пентатоник наадмын шилдэг тоглолт шагналыг ч давхар авсан юм.
Уг пянз нь 180 гр жинтэйгээр Япон улсад цөөн тоогоор хэвлэгдэж байгаа юм.
Спонсор байгууллагаар Mongol Mix Project (MMP) хамтарч байна.
Та бүхэнд тун удахгүй сайхан мэдээ хүргэх болно.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
М.Сугар-Эрдэнэ