Ханхүү Харри, Меган Маркл нарын зочдодоо өгсөн цүнхэн дотор юу байв
Ханхүүгийн хуримын бэлэг цахим сүлжээнд хэдийнэ зарагдаад эхэлжээ.
Ханхүү Харри, Меган Маркл нарын дэлхийг донсолгосон хурим өндөрлөсөн ч дуулиан нь дуусаагүй л байна. Энэ хурим Эзэн хааны гэрбүлийн данснаас 43 сая долларыг нь үрж орхисон. Үүнээс ихэнх нь буюу 40 сая нь аюулгүй байдлыг хамгаалахад зориулагджээ. Ёслолыг зохион байгуулагчдад 150 мянга, дуучид, хөгжимчдөд 400 мянга, цэцэгчдэд 150 мянга, гэрэл зурагчдад 23 мянга, хоол унданд 385 мянган доллар зарсан бөгөөд уригдсан бүх зочинд цүнхтэй бэлэг өгсөн юм.
Энэ цүнхэнд юу байсан бол хэмээн хүмүүс сонирхож байсан бол ханхүүгийн хуримын бэлэг цахим сүлжээнд хэдийнэ зарагдаад эхэлжээ. Үнэ нь 10 мянган фунт стерлинг гэж байгаа. Хэн гээч зочин нь бэлгээ зарж байгаа нь тодорхой бус ч нийт 2640 зочин уригдсан гэхээр зарах хүн гарах нь ойлгомжтой.
За ингээд цүнхэнд юу байсныг сонирхоцгооё.
1. Хуримын ёслолын хөтөлбөр
2. Цэвэр ус нэг сав.
3. Харри, Меган нарын бичсэн талархлын ил захидал.
4. Виндзор цайзын дэлгүүрийн 20 хувийн хөнгөлөлтийн карт.
5. Шоколадан мөнгө.
6. Амттан.
7. Хөргөгчний соронзон наалт