1 мин

Бидний хайртай Пингүг зурж бүтээсэн Тони Вольф өөд болжээ

Noot Noot...

О.Анхзаяа 2018.05.24

Хүүхэд насны хамгийн сайхан дурсамжууд гадаа тоглохоос эхлээд, хүүхэлдэйн кино, үлгэр, зурагт номтой цуг өнгөрдөггүй гэж үү? Дэлхийн улс орон болгоны хүүхдүүд дүр төрх, хэл, соёлоороо ялгаатай ч хүүхэлдэйн кино үзэж, түүнд дурладаг, хайрладгаараа ижил билээ. Тийм бол Пингү цувралын зураач, Пингүгийн төрхийг хүүхэлдэйн кинонд ашиглахад хамгийн том нөлөө үзүүлсэн Тони Вольф буюу Антонио Лупателли хэдхэн хоногийн өмнө 88 насандаа нас баржээ.

Тэр Пингү цувралын амин сүнс болсон нэгэн байсан гэхэд болно. Мөн үүнээс гадна тэрбээр "Fairy Tarot", "Sibilla Oracle", "Tarot of the Gnomes", "Meet the Woodland Folk" Зэрэг олон сайхан зурагт ном бүтээж байсан хүн юм.

Хүүхдүүдийн хайртай хүүхэлдэйн кино болоод зурагт номын баатар Пингү болоод түүний гэр бүл цаашид ч олон арван жил хүүхдүүдийн хайртай дүр байсаар ирэх биз. Мөн Пингү жинхэнэ эрчийг авч байх үед төрж өссөн бидний хувьд ч ямагт тийм байх болно.