Монгол паспорт дэлхийд 75-д жагслаа
Манай улсын паспорт дэлхийн 61 оронд “хүчинтэй” аж.
“Henley & Partners” компаниас дэлхийн улс орнуудын хөдөлгөөний эрх чөлөөний чансаа буюу паспортын индексээ шинэчлэн гаргалаа. Энэхүү чансааг гаргахын тулд мэргэжилтнүүд дэлхийн бүх улс орон, газар нутгийн визийн дэглэмийг судалдаг бөгөөд тухайн орны иргэн хэдэн оронд визгүй зорчиж чадахаар нь байр эзлүүлдэг билээ.
Энэ жил чансааг Япон орон тэргүүллээ. Японы иргэд дэлхийн 189 оронд визгүй зорчиж чаддаг байна. 188 оронд дураараа аялдаг Герман, Сингапур улс удаалжээ.
"Henley & Partners”-ийн чансаанд Монгол Улс 75 дугаар байр эзэлсэн. Манай улсын паспорт дэлхийн 61 оронд “хүчинтэй” аж.
“Henley & Partners” чансааны эхний 10 орон
1. Япон: 189 улсад визгүй
2. Герман, Сингапур: 188
3. Финланд, Франц, Итали, Швед, Испани, БНСУ: 187
4. Их Британи, АНУ, Норвеги, Австри, Люксембург, Голланд, Португал: 186
5. Дани, Бельги, Швейцарь, Ирланд: 185
6. Австрали, Грек: 183
7. Шинэ Зеланд, Чех, Мальт: 182
8. Исланд: 181
9. Унгар, Словен, Малайз: 180
10. Словак, Латви, Литва: 179