Чөлөөт бөх: ОХУ-ын шигшээ баг “Монголиа опен”-ий бэлтгэлээ Буриадад хийнэ
Ирэх сарын 9-10-нд чансааны оноо өгөх “Монголиа опен” тэмцээн манай нийслэлд болох гэж байгаа билээ.
ОХУ-ын чөлөөт бөхийн эмэгтэйчүүдийн шигшээ баг энэ сарын 25-наас зургаадугаар сарын 7 хүртэл Буриадын Улаан-Үд хотод бэлтгэл хийнэ. Тэд Улаан-Үдийг сонгосон нь ч учиртай. Ирэх сарын 9-10-нд чансааны оноо өгөх “Монголиа опен” тэмцээн манай нийслэлд болох гэж байгаа билээ. Монголтой цагийн зөрүү байхгүй Буриадад бэлтгэл хийх нь тус тэмцээнд амжилттай барилдах гол түлхүүр гэж Оросын шигшээ багийн удирдлага үзжээ.
Оросын эмэгтэйчүүдийн шигшээ багт нийт 16 бөх байгаагаас Стальвира Оршуш, Ирина Ологонова гэсэн хоёр буриад бөх бий. Тэд бэлтгэлээс гадна Байгаль нуурын эрэг дээр амарч, Буриадын цирк, “Ринпоче Багша” сүм үзэх зэрэг соёлын арга хэмжээтэй гэнэ.