Доналд Трамп Ким Жон Унтай уулзахгүй гэлээ
Гэхдээ Трамп дараа Кимтэй уулзахад бэлэн гэдгээ илэрхийлсэн байна.
АНУ-ын Ерөнхийлөгч Доналд Трамп Хойд Солонгосын удирдагч Ким Жон Унтай хийх уулзалтаа цуцалснаа мэдэгдлээ. Хоёр тэргүүн ирэх сарын 12-нд Сингапурт уулзахаар тохиролцоод байсан билээ.
АНУ-ын Цагаан ордноос өнөөдөр твиттер хуудсаар дамжуулан энэ талаар мэдэгджээ. Гэхдээ Трамп дараа Кимтэй уулзахад бэлэн гэдгээ илэрхийлсэн байна.
Трамп уулзалт цуцлах болсон шалтгаанаа Ким Жон Уны сүүлийн үед хийсэн мэдэгдлүүд АНУ-ыг илт заналхийлсэн байсан гэж тайлбарлаад “Танай сүүлийн мэдэгдэлд ил тод харагдсан дайсагнал, уур хилэнгийн улмаас харамсалтай нь бид энэ уулзалтыг зохион байгуулах нь зохисгүй гэж үзлээ. Дэлхий дахин, БНАСАУ энх тайван, хөгжил дэвшил олох агуу боломжоо алдлаа” гэж мэдэгдсэн байна.