Жүжигчин Ричард Гир бараг 30 жилийн дараа дахин телевизийн кинонд тоглохоор болжээ
Түүний эргэн ирэлт.
Ричард Гир BBC-гийн нэгэн шинэ цувралд тоглохоор болжээ. Энэ бол бараг л 30 жилийн турш телевизийн кинонд тоглоогүй түүний хувьд урт хугацааны дараах эргэн ирэлт болж байгаа юм. "MotherFatherSon" гэх уг кино нь драм төрлийн бүтээл байх аж.
"Би маш урт хугацаанд телевизийн кинонд тоглосонгүй. Найман цагийн урттай уг кино төсөлд BBC-тэй хамтрах болсондоо туйлын ихээр баяртай байна" хэмээн тэрбээр хэлсэн байна.
Уг кинонд тэрбээр "Peaky Blinders" цувралын од жүжигчин Хелен Маккрори, "On Chesil Beach" киноны гол дүрийг бүтээсэн Билли Хоул нартай хамтрах юм.
Маккрори уг кинонд эхнэр Кэйтриний дүрийг бүтээх бол Билли хүүгийн дүрд тоглоно. "Том Роб Смит бол үеийнхэн дундаа гайхалтай тодорсон зохиолч. Гайхалтай жүжигчид уг зохиолыг амилуулан тоглоход туйлын таатай байна" гэж төслийн удирдагч Пирс Венджер хэлжээ.
Лондон хотноо киноны зураг авалт үргэлжилж байна.