Алина Загитовагийн акита нохой Масарү
Масарү нохой инстаграм хуудастай болж, хэдэн зуун хүн дагаад байгаа гэнэ.
“Пёнчан 2018” олимпийн аварга Алина Загитова акита үүлдрийн нохойтой болох мөрөөдлөө сэтгүүлчдэд ярьж байсан билээ. Энэ талаар сонссон Японы акита үүлдрийн нохойны холбооноос олимпийн аваргад цэвэр үүлдрийн акита гөлөг бэлэглэхээр болсон талаар бид мэдээлсэн.
Тус холбооны мэдэгдэлд “Олимпийн аварга болсонд тань чин сэтгэлээсээ баяр хүргэе. Хэвлэл мэдээллээс бид Алинад акита үүлдрийн нохой таалагддаг гэдгийг мэдэж авлаа. Акита бол Япон улсын гайхамшигт баялаг гэж бид үздэг. Манай холбоо акита нохойг хамгаалах, цэврээр нь хадгалан үлдээхийн төлөө ажилладаг тул энэ мэдээг сонсоод их баярласан. Манай холбоо 90 жилийн түүхтэй. Акита нохойгоо дэлхий дахинд түгээн дэлгэрүүлэх нь манай бас нэгэн зорилго. Тиймээс Алина Загитовад акита нохой бэлэглэхээр шийдлээ. Энэ нохой Орос, Японы найрамдлын нэгэн гүүр болбол их баярлах болно” гэж бичсэн байна.
Акита нохой Масарү хэдийнэ эмнэлгийн үзлэг, гаалийн шалгалтыг давсан бөгөөд Алина эзэнтэйгээ уулзаад байгаа юм. Масарү нохой инстаграм хуудастай болж, хэдэн зуун хүн дагаад байгаа гэнэ.