Эменике Нигерийн 2013 оны миссээс салж, 2014 оны мисстэй гэрлэлээ
Эменикег Нигери даяар шүүмжилж эхэлсэн байна.
Грекийн “Олимпиакос” багийн нигери довтлогч Эммануэль Эменике 2014 оны Нигерийн мисс бүсгүй Ихеоме Надитай гэрлэж, Лагост хуримаа хийжээ. Алдартай хөлбөмбөгч, гоо бүсгүйн хурим аль ч оронд жирийн л явдал.
Гэхдээ Эменикег Нигери даяар шүүмжилж эхэлсэн байна. Учир нь тэр өмнө нь Нигерийн 2013 оны мисс Эзин Акудотой хамтран амьдарч, гэрлэх дээрээ тулаад байжээ.
Эммануэль Эменике өнгөрсөн улирлын эхний хагаст “Олимпиакос” багт таван удаа тоглож, нэг ч гоол хийгээгүй. Энэ оны эхнээс Испанийн “Лас-Пальмас”-т зээллэгээр очсон ч гэмтлийн улмаас нэг ч удаа талбайд гараагүй байна.
2013 оны Нигерийн мисс Эзин Акудо