“Америкийн Мисс” тэмцээн усны хувцаснаас татгалзлаа
Усны хувцастай тайзаар алхахын оронд миссүүд шүүгчидтэй ярилцаж, эрдэм мэдлэгээ дүгнүүлэх аж.
“Америкийн Мисс” тэмцээний зохион байгуулагчид хүмүүсийн сонирхлыг тун их татдаг уламжлалт усны хувцастай үзүүлбэрийг тэмцээний хөтөлбөрөөс хассанаа мэдэгдлээ.
“Манай уралдаан бол тэмцээн болохоос ямар ч агуулгагүй шоу биш” гэж “Miss America Organization” зөвлөлийн тэргүүн Гретхен Карлсон мэдэгдсэн байна.
Бүсгүйчүүдийг гадаад байдлаар нь дүгнэхээс илүү дотоод ертөнцийг нь нээх нь тус тэмцээний гол зорилго болсон байна. Усны хувцастай тайзаар алхахын оронд миссүүд шүүгчидтэй ярилцаж, эрдэм мэдлэгээ дүгнүүлэх аж.
Есдүгээр сарын 9-нд болох Америкийн миссийн тэмцээнд гоёлын даашинзтай үзүүлбэр ч хөтөлбөрөөс хасагдах шинжтэй.