1 мин

Фуэго галт уулын дэлбэрэлтийн үеэр ойролцоогоор 200 хүн алга болж, 70 гаруй хүн амь үрэгдсэн байна

Тус улсын гамшигийн агентлаг нас барагсдын тоо нэмэгдэхээс айж байна.

Ub.life 2018.06.06 48 21 3

5

Гватемал улсын Фуэго галт уул нь Номхон Далайн хүчтэй газар хөдлөлтийн хэсэгт байрладаг юм. Өнгөрсөн ням гаригт Гватемал дахь Фуэго галт уул дэлбэрч, ойролцоогоор 192 хүн сураггүй алга болж, 75 хүн нас баржээ.

Тус улсын Гамшигийн агентлаг нас барагсдын тоо нэмэгдэхээс айж байгаагаа мэдээлсэн байна. Фуэго галт уулын бэлд байрлах тосгон үнсэн нуранга болж, олон мянган хүмүүс гэр оронгүй болсон байна.

Гватемал улсын Үндэсний газарзүйн хүрээлэнгийн захирал Эдди Санчес "Дараагийн хэдэн өдрүүдэд ямар ч дэлбэрэлт гарахгүй" гэж таамаглаж байсан боловч мягмар гарагт галт уул дахин дэлбэрч, олон хүнийг цочроолоо. Хоёр дахь дэлбэрэлтийн үеэр галт уулын халуун хайлмаг нь аврах ажиллагааг таслан зогсоосон байна.

Энэ дэлбэрэлт нь 1902 онд болсон Сан-Мария галт уулын дэлбэрэлтээс хойших хамгийн аюултай үйл явдал болсон юм.

Аврагчид буцлам халуун үнс, галт уулын дахин дэлбэрэх эрсдэлийг үл харгалзан амь үлдсэн хүмүүсийг болон цогцосуудыг авчирч байгаа нь.

" target="_blank">

Ub.life 2018.06.06

5