В.Путин нефть, хийн хоолойгоо Монголоор дамжуулан тавихыг дэмжив
Монгол Улс, ОХУ, БНХАУ-ын төрийн тэргүүн нарын дөрөв дэх удаагийн уулзалтад оролцлоо.
Монгол Улсын Ерөнхийлөгч Х.Баттулга БНХАУ-ын Чиндао хотноо Шанхайн хамтын ажиллагааны байгууллагын гишүүн орнуудын төрийн тэргүүн нарын өргөтгөсөн хуралдаанд оролцож байгаа билээ. Өчигдөр Монгол Улсын Ерөнхийлөгч Х.Баттулга Монгол Улс, ОХУ, БНХАУ-ын төрийн тэргүүн нарын дөрөв дэх удаагийн уулзалтад оролцлоо.
Уулзалтын эхэнд Бүгд Найрамдах Хятад Ард Улсын дарга Ши Жиньпин Монгол Улсын Ерөнхийлөгч Х.Баттулгыг анх удаагаа энэ уулзалтад оролцож байгаад талархлаа илэрхийлсэн юм.
Уулзалтын үеэр манай талаас Хятад руу дамжуулах байгалийн хий, нефтийн хоолойг Монголоор дамжуулан тавих санал гаргасныг Владимир Путин дэмжжээ.