Монголчууд Абэ, Ким Жон Ун хоёрыг ОХУ-д уулзуулна
Хэлэлцээрийн зуучлагчаар Монгол Улс ажиллаж байгааг Kyodo агентлаг онцолжээ.
“Японы Ерөнхий сайд Шинзо Абэ, Хойд Солонгосын Залуу удирдагч Ким Жон Ун нар анх удаагаа уулзаж магадгүй боллоо. Тэд ОХУ-ын нутаг дээр уулзах шинжтэй” гэж Kyodo агентлаг мэдээллээ.
Хоёр удирдагч ирэх есдүгээр сард Оросын Владивосток хотод болох Эдийн засгийн форумд уригдсан байгаа. Тэнд хэн нэг нь ирэхгүй байж болох ч ямар ч гэсэн Оросын нутаг дэвсгэр дээр уулзахаар гэрээ хэлэлцээр удахгүй эхлэх аж.
Маргааш Сингапурт болох АНУ-ын Ерөнхийлөгч Доналд Трамп, БНАСАУ-ын тэргүүн Ким Жон Ун нарын уулзалтын үеэр Японы тал Хойд Солонгосын талтай уулзалт зохион байгуулахаар төлөвлөж байна. Үүний дараа манай нийслэлд болох “Улаанбаатарын яриа хэлэлцээ” аюулгүй байдлын хурлын үеэр Япон, Хойд Солонгосын төлөөлөгчид энэ талаар ярилцана. Хэлэлцээрийн зуучлагчаар Монгол Улс ажиллаж байгааг Kyodo агентлаг онцолжээ.