1 мин
Тэрүнофүжи Нагояд барилдахгүй
Тэрүнофүжи зүүн өвдгөндөө урьд нь хоёр удаа мэс засал хийлгэж байсан.
М.Сугар-Эрдэнэ
36 
23 
8 
Мэргэжлийн сүмогийн монгол бөх Тэрүнофүжи энэ сар хагалгаанд орох болжээ. Гэмтээд удаж байгаа өвдгөндөө хагалгаа хийлгэх тул ирэх Нагоя башёд барилдахгүй гэнэ.
Исэгахама ояката “Залуу бөхийн ирээдүйг бодоод гэмтэл нь бүрэн эдгэтэл зодоглуулахгүй. Нагоя башёд барилдахгүй. Баруун, зүүн өвдөг аль аль нь архаг гэмтэлтэй байгаа. Эмч нартай ярилцаж байгаад алинд нь мэс засал хийхээ шийднэ” гэж сэтгүүлчдэд ярьжээ.
Тэрүнофүжи зүүн өвдгөндөө урьд нь хоёр удаа мэс засал хийлгэж байсан. Харин 2015 онд гэмтээсэн баруун өвдгөндөө хагалгаа хийлгэлгүй, эмчлүүлж байсан билээ. Өнгөрсөн тавдугаар сарын башёд 9 унасан тул макүшитад унах нь тодорхой болоод байгаа. Нагояд зодоглохгүй тул есдүгээр сарын Намрын тэмцээний банцүкэ нь макүшитагийн доод хэсэгт буурах болно.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа