Олимпийн аварга Э.Бадар-Ууган их аварга Асашёорюүд алтан бээлий бэлэглэжээ
Э.Бадар-Ууган аваргад мөнгөн аяга, хадаг, боксын алтан бээлий бэлэглэжээ.
Монгол Улсын Хөдөлмөрийн баатар, гавьяат тамирчин, Олимпийн аварга, МҮОХ-ны Ерөнхий нарийн бичгийн дарга Э.Бадар-Ууган өнөөдөр Японы мэргэжлийн сүмогийн 68 дахь ёкозүна, их аварга Асашёорюү Д.Дагвадоржид хүндэтгэл үзүүлжээ.
Э.Бадар-Ууган аваргад дотор талдаа дохёнд гарах ёслолын дүр бүхий сийлбэртэй, ёроолд нь 68-ын тоог луугаар ороон чимэглэсэн мөнгөн аяга, хадаг, боксын алтан бээлий бэлэглэжээ.
Асашёорюү аварга энэ талаар нүүр номондоо “Олимпийн аварга маань хүндэтгэл үзүүллээ. Олон жилийн өмнө Бадгаа, Азаа хоёрыгоо нэгэн хүнтэй танилцуулж, ажил үйлсийг нь дэмжсэн юм аа. Ухаантай дүүдээ ажил, амьдралын өндөр амжилт хүсье!” хэмээн бичжээ.