ВИДЕО: МакГрегор шүүхэд буруугаа хүлээлээ
Конор МакГрегор шүүхэд ердөө 1,5 минут л болсон.
Ирландын холимог тулаанч Конор МакГрегорийн хэргийг өчигдөр шүүх авч хэлэлцлээ. Дөрөвдүгээр сарын 6-нд тэрбээр Оросын тулаанч Хабиб Нурмагомедовийг хашраах гэж UFC 223 тэмцээнд оролцох гэж байсан тамирчдын автобусанд халдаж, сандал шидэн, цонхыг нь хагалсан билээ. Хабиб гэмтээгүй ч Рэй Борг, Майкл Кьеза нар бэртэж, тэмцээнд оролцож чадаагүй. Дараа нь Конор Цагдаагийн газарт хэргээ хүлээн очиж, түүнийг шүүхээр шийтгэхээр болсон билээ.
Конорыг барьцаа мөнгөөр суллаж, шүүх хурлыг зургаадугаар сарын 14 хэмээн тогтоосон. Энэ өдрийг МакГрегор төдийгүй тулааны ертөнцийнхөн тэсэн ядан хүлээж байлаа. Учир нь UFC холбооны ерөнхийлөгч Дана Уайт шүүхэд шалгагдаж байгаа тамирчнаа тэмцээнд оруулж чадахгүй байсан тул үзэгчдийг татах мөнгөний хүүдий болсон тулаанч нь “ажилгүй” суугаад байв. Конорыг эзгүй хойгуур заналт дайсан Хабиб Нурмагомедов нь аваргын бүсийн эзэн болсон тул Конор – Хабиб гэсэн супер тулаан зохиомоор байдаг. Гэвч шүүхийн шийдвэрийг хүлээхээс өөр аргагүй байлаа.
Конор МакГрегор шүүхэд ердөө 1,5 минут л болсон. Тэр өмгөөлөгчдийн хамт шүүх хурлаа долоодугаар сарын 26 болгон хойшлуулаад гарч ирсэн юм.
МакГрегор гудамжинд цугласан хүмүүст “Өнөөдөр энд ирэх шалтгаан болсон хэрэг өдүүлсэндээ би их харамсаж байгаа. Тун ноцтой хэрэг ч удахгүй шийдэгдэнэ гэж найдаж байна” гэж хэлсэн.